Presupuesto di pais Aruba ta exigi tempo y hopi trabou for di tur esnan envolvi, pero e proceso ta in-transparente pa pueblo en general. E ultimo añanan a bira custumber, cu presupuestonan ta wordo entrega demasiado laat dor di gobierno. E ultimo aki, ta tarda asina hopi cu trahamento di e presupuesto cu a bira normal cu parlamento ta hañe ta trata presupuestonan di casi (of te hasta) un aña laat.

Partido AVP ta kere cu e proceso mester bira mas transparente y efectivo. Un manera cu partido AVP ta kere cu e por contribui na e transparencia di e proceso presupuestario ta dor di publica e presupuestonan. E ta un trabou cu ta exigi colboracion di hopi hende, pasobra gobierno no ta entrega e presupuestonan (of majoria di documentonan) digitalmente.

Aki ariba bo por kies pa download e ultimo presupuestonan cu nos ta pone disponibel na publico.