Staten of Parlamento di Aruba ta e organo estatal mas halto di nos pais. E tareanan primordial di Parlamento ta di controla gobierno, trata leynan proponi pa gobierno y esnan inicia pa miembronan di Parlamento mes.

Sala di Parlamento

Parlamento di Aruba su sala di reunion ta situa na L.G. Smith Boulevard 23 (Net dilanti di Cinema). E sala di parlamento ta wordo usa pa reunionan di comision, reunionan no publico y esunan di mas importane, reunionan publico.

For di e tribuna publico den e sala di parlamento, por siña hopi djies di ta sinta ey mes. For di e punto di bista di e publico, cara pa publico (y mas aleja di e publico) e presidente di Parlemento ta sinta. Banda robez di e presidente, semper tin un griffier. E griffier ta asisti e presidente pa e reunionan bay segun reglanan (e.o.) stipula den e "Reglamento di Ordo".

Dilanti di e presidente e parlamentarionan ta sinta. Na banda drechi (ainda for di punto di bista di publico) e fraccionan di oposicion ta sinta y dialnti nan, na banda drechi di publico, e fraccion sostenedor di gobierno ta sinta.

Ora cu un reunion ra rekeri presencia di un of mas Minister, e minister ta sinta net dilanti di e publio y lomba pa publico. For di punto di bista di e publico tin un mesa mas banda robez, di e mesa caminda e Ministronan ta sinta. Ariba e mesa aki, e consehero y/of ambtenaarnan cu ta asisti e Ministernan ta sinta.

Mei mei di e sala, tin luga pa e "stenograaf" cu ta responsabel pa notuleer tur reunion y zorg pa nan wordo publica conforme regla.

Parlamento di Aruba ta consisti di un total di 21 parlamentario, 20 ta sinta dilanti di e presidente, mientras cu e presidente tambe ta un parlamentario cu derecho di voto. Aki bou por mira e reparticion di asientonan den parlamento na e momentonan aki.

Un debate den parlamento ta bay segun un cierto patronchi. Prome e miembronan di parlamento por bin na palabra, segun e ordo cu nan a skibi nan nomber. Despues di e parlamentarionan, e Ministro ta bin na turno pa reacciona ariba e ponencianan di e parlamentarionan.

Casi nunca tur pregunta a hanja contesta den e stadium aki. Pesey ta sigui e di dos "ronde", caminda atrobe e parlamentarionan ta tuma e palabra. Despues di esaki, atrobe e Ministernan ta na palabra y ta purba contesta e preguntanan hasi.

Esaki ta wordo jama "replica" (parlamentarionan) y "dupliek" (Ministernan). Si en caso, ta sinti cu tin pregunta a keda colga, tin e posibilidad pa un di tres "ronde".

Reunion, votacion y debate no tey por nada. Esakinan ta hermentnan cu Parlamento tin pa por duna contenido na su trabou: controla gobierno, trata leynan proponi pa gobierno y esnan inicia pa miembronan di Parlamento mes.

Aki por ta ta un bon momento pa aclaria e palabra "gobierno", pasobra majoria di biaha e palabra aki ta wordo bruha cu e palabra "Gabinete". Gobierno ta consisti di di Gobernador, cu ta representa La Reina y e Ministernan.

Di otro banda, e palabra gabinete ta consisti di unicamente e Ministernan. Y ta bon pa agrega cu niun Minister por ta miembro di parlamento.

Pa por complete su trabou como controlador di gobierno y trahador di ley, Parlamento tin cierto derechonan:

Fraccion di AVP den parlamento ta consisti di 8 miembro. E Miembronan di fraccion, despues di eleccion 2005, ta:

 

Despues di mester a deidica hopi tempo ariba malesa di su querida mama, dr. Richard Visser a disidi di cede su puesto na un otro canidato di AVP, cu a resulta di ta mr. Alexander Tromp. Aki bou por mira e fraccion di AVP desde cu dr. Richard Visser a cede su puesto pa motibonan personal.

 

Nomber   1 - M.G.  Eman (Mike) 2 - O.B.  Sevinger (Benny) 3 - M.E.  de Meza (Mike) 4 - R.A. Lee (Andy) 5 - O.O. Oduber (Otmar) 6 - A.L. Dowers (Arthur) 7 - C.V. Haynes (Carmelita) 8 - A. Tromp (Alex)