Fundacion Formacion Politico Digna Lacle Herrera cu otro lectura interesante dia 25 di Februari

Fundacion Formacion Politico Digna Lacle Herrera cu otro lectura

interesante dia 25 di Februari

Con bo por stimula participacion di un sociedad na momento di crea un vision pa bo pais? Dicon ta importante pa consulta cu e diferente actornan importante na momento di desaroya un manejo? Pakiko ta importante pa estudionan cientifico keda realisa, prome cu un manejo keda ehecuta? Kiko ta significa cambionan sostenibel “duurzame veranderingen”? Con bo ta jega na escoge direccion di manejo?

Tur e preguntanan ariba menciona lo keda discuti durante un interesante lectura, dialuna 25 di Februari den Cas di Cultura (sala chiquito) pa 7:30 di anochi organisa dor di Fundacion Formacion Politico Digna Lacle Hererra.

Presentador principal riba e anochi aki lo ta Dr. Leo M. Klinkers cu lo elabora riba e importancia pa crea sosten den sociedad na momento di crea manejo. Dr. Klinkers ta bon conoci pa diferente literatura publica riba topico di manejo di un pais. Vakvereisten voor politiek en Beleid, Beleid begint bij de samenleving ta algun di e literature presenta pa Dr. Klinkers. Dr. Klinkers ta conta cu un curriculum extenso como consehero di diferente comicionnan institui, y su organisacion a y ta participa na diferente projectonan rond di mundo e.o. na Hulanda, Belgica, Thailand, Indonesia, Portugal y Suriname. E importancia di estudionan pa carga un manejo tambe lo keda discuti.

E lectura ariba menciona ta cai bai bao di un conjunto di lecturnanan y curso cu e Fundacion Digna Lacle Hererra lo ta organisando a base di estudionan cu ta ser realisa na e momentonan aki dor di e Fundacion Estudionan Social Cristian Aruba (FESCA). E diferente publicacionan di estudionan di FESCA lo bira base pa un serie di cursonan y lectura durante 2008.

Un bes mas e Fundacion Formacion Politico Digna Lacle Hererra kier a extende un cordial invitacion na henter Aruba, na tur persona cu tin interes riba e topiconan cu lo keda discuti durante e lectura pa tei presente Dialuna 25 di Februari na Cas di Cultura (kleine zaal) cuminsando 19:30. Entrada pa e evento ta gratis.

E organisadornan kier enfatisa cu cualkier sea bo opinion politico bo ta keda ordialmente invita pa participa na e lectura aki.

• dr. Leo Klinkers
• Invitacion Lectura (Papiamento)
• Uitnodiging Lezing (Nederlands)
• Conferencia di Prensa