E fundacion aki a wordo inicia na aña 2006, pa partido AVP. E motibo di su existencia ta e importancia cu e partido ta pone riba preparacion di su hendenan cu ta dispuesto pa sirbi nan pais den funccionan publico.

Aunke cu e fundacion aki a wordo institucionalisa pa por atende e nesesidad di partido AVP, e curso y lecturanan cu fundacion Digna Lacle-Herrera ta ofrece ta habri pa un y tur cu tin interes. Esaki ta inclui tambe esnan di un afiliacion politico diferente. Tur hende cu tin interes ta bon bini.

Pa por a cuminsa cu e instituto di formacion politico aki, partido AVP a haya hopi sosten y cooperacion di entre otro "Steenkamp Instituut" di CDA na Hulanda, cu ta un instituto cu e mesun meta cu Fundacion Digna Lacle-Herrera.

E fundacion aki a haya su nomber di sra.Digna Lacle-Herrera, cu tawata un parlamentario pa parido AVP. Sra. Lacle-Herrera, semper a wordo considera como un persona masha integro y respeta. E tawata goza di respet di tanto su coleganan di partido, pero tambe di su contrincantenan politico. Semper el a kere y a para pa un politica di nivel, cu un enfasis riba capacidad y preparacion, y sigur no pa lastra otro.

E site aki lo contene informacion di tur curso y lecturanan cu nos a y lo ofrece. Tur material di curso tambe lo wordo publica riba e site aki. Pa mas informacion por tuma contacto cu un di nos miembronan of tambe por tuma contacto cu un persona di un di e Casnan di Partido.