Fundacion Estudionan Social Cristian Aruba of FESCA ta un fundacion cu tin como meta pa produci estudionan scientifico ariba diferente topico cu ta regarda nos isla. Topiconan cu FESCA a jega di traha ariba dje, ta inclui nos economia, democracia parlamentario, relacion cu Union Europeo y imigracion. E estudionan di FESCA ta juda crea un base amplio pa un vision reponsabel, pero tambe inventivo pa partido AVP.

Aunke cu e estudionan aki ta wordo presenta na partido, e idea no ta pa partido tuma over e estudionan aki sin cuestiona nan. E meta di e estudionan pa partido ta varios. Un di e mas importantenan ta e coleccion di datos y informacion, un otro, ta pa crea proposicionan pa discusion y debate. E estudionan y resultadonan ta wordo discuti ampliamente cu miembronan di e.o. FESCA, FIFDLH, fraccion di AVP y varios otro organisacionan interno di partido (incluyendo Conseho di Partido, Comision di Damas y directiva di partido).

Un otro trabou importante di FESCA, ta e organisacion di symposionan como sosten pa nan estudionan. Un ehempel ta e symposio titula  "Imigracion + Integracion = Union", cu tawata tin como keynote speaker invita Dr. Ruben Gowricharn, cu ta un experto ariba integracion y imigracion den Caribe. Dr. Gowrichrn ta un sociologo asocia cu Universiteit van Tilburg. A base di e symposio, FESCA a produci un rapport cu a studia e topico di integracion y imigracion profundamente.

Ariba nan website, FESCA, ta publica tur nan estudionan y tambe un cantidad di otro estudio y rapportnan cu ta importante pa nos pais.

E website di FESCA por wordo bishita na: http:www.fesca.org

top