Un grupo di muhernan jong y dinamico cu a worde yama hunto dia 16 di augustus 2002 pa lider di AVP Mike Eman. Di Mike su experiencia cu comicionnan di Damas di antes, cu nan aporte na Partido semper a duna e extra toke final, su conviccion ta cu ta keda necesario den Partido, of cualkier otro organisacion, e aporte importante di MUHER.

Di MUHER su mesun caracter y afinidadnan multifacetico, ta trese cu ne cu e perspectiva, angulo di opinion, interpretacion y relativacion di dje ta complementa lo necesario pa yega na exito di Partido. Caracteristicanan femenino sobresaliente ta locual ta duna nos Organisacion di Muher di AVP e perseverancia pa logra alcansa cualkier meta y proposito cu tin ariba programa. Como Organisacion den Partido e logronan cada bes ta hanya e reconocimento y valides necesario pa sigi y amplia su metanan.

Anualmente tin e programa di “BAN SCOL BEK”, cu ta yuda yiunan di famianan di menos recurso, conhuntamente cu cabesante y maestronan di scol, pa cuminsa e anja escolar cu lo necesario pa no keda atras compara cu e companeronan di su klas.

Trabaonan comunitario ta worde desplega. Entre otro pa cu nos monumentonan y areanan recreativo pa hubentud.

Periodicamente ta organisa diferente lezing, workshops, anochinan di discusion y foro cu temanan ariba tereno socio/economico, educacion, hubentud y vida familiar. Expertonan local y internacional ta worde invita pa intercambio di ideanan y discusion. Conclusion di cada uno ta keda compila den rapportnan pa Partido.

Intercambio di ideanan ta tuma lugar frecuentemente cu bishitante internacional. Discusion a keda sosteni cu entre otro miembronan di Eerste y Tweede Kamer di Hulanda, Parlamentarionan di Antiyas Hulandes, miembronan di ODCA/MUDCA, miembronan di Wetenschappelijk Instituut di CDA, Analistanan Politico di Venezuela y Merca

Actividad y encuentronan social pa miembro, invitado y publico en general manera entre otro Curso di Business Etiquette, Family Day cu encuentronan deportivo, Brunch di Diadomingo, Atardi di Te Y Sombre, Anochinan di Binja y Keshi, Ladies Lunch ariba diasabra, etc

Banda di tur e actividadnan propio aki, miembronan di Organisacion di Muher di AVP ta activo den Conseho di Partido, Directiva di Partido, administracion secretarial y financiero di Cas di Partido y otro organisacion y comicionnan di Partido manera entre otro FESCA y Fundacion Formacion Digna Lacle-Herrera.

top