Ta lastima ora nos mira con nos enseñanza a wordo laga un banda. Manera mi a jega di bisa hopi biaha caba. Placa hinca den enseñanza no ta algo cu ta paga di biaha. Ta algo cu ta tuma su tempo, pa duna su fruto. No ta manera terenonan cu manera cu bo bendenan, bo ta cobra bo miyonnan di biaha. Manera tur hende cu a studia sa, cu no ta di un dia pa otro bo ta logra bo meta (titulo). Nos por mira con esun cu mester encarga su mes cu e educacion di nos pueblo no tin tempo pa esaki. Pe ta mas interesante traha caminda y bende tereno bay gol y asina laga nos hobennan sin futuro.

C.I.T.O test pa tur scol basico na Aruba…

Minister a entroduci un “C.I.T.O toets” pa tur scol basico aki na Aruba. Pa asina e purba di busca, algo pa tapa su mal maneho pa cu enseñanza. Pero ta parse cu el a lubida cu tabata tin “toets” mas di 4 luna pasa, ainda scolnan ta wardando e resultadonan. Manera tur loke e minister aki ta haci, tur cos ta keda na mitar. Cu eksepcion di e tereno y careteranan aki si queste loke queste meta mester wordo cumpli. Tur projecto introduci pa e minister aki ta cuminsa cu jen di blas y slingers, y ta caba na aros con coco. Minister Marisol ki dia e resultadonan di e C.I.T.O toetsnan cu a wordo traha mas cu 4 luna pasa, ta wordo revela.

Scol a habri!!!!

Na diferente M.A.V.O scol muchanan mester a cuminsa e aña escolar aki, sin buki nan mester hacie uso di copia. Tur esaki paso nos flamante minister di enseñanza no a percura pa paga e imprenta concerni, pa asina nan por manda e bukinan pa nos hobennan haña. Esaki ta nos minister di enseñanza ki berguensa. Cu e minister aki enseñanza, e futuro di nos pais ta na peliger.