Un pesadia ta loke awe nos por constata den enseñanza aki na Aruba. Un minister sin ningun sorto di vision, ta trata di gaña y mal informa pueblo, di loke enrealidad ta tumando lugar den enseñanza di nos pais. Un aña largo nos por a tende con e minister aki a papia di plan pa enseñanza te cu 2017. Di tur sorto di comicion, “werkgroepen,reunionnan grandi den hotel, stuurgroep, hende cu a wordo busca te na China, etc”, pero te awe nada.

Plan National di Enseñansa….

Ta fresco ainda den mi mente, con mister a pone conferencianan di prensa, un cantidad di gruponan di tabou, cu diferente actornan den nos comunidad, den diferente balroom di hotelnan aki na Aruba. Gastando un cantidad di placa i sin participashon di actornan real den enseñansa ni e sindicato SIMAR. Cu e promesa cu na mei 2007 pueblo di Aruba, lo a haña e asina jama “Nationale onderwijsleerplan” cu e vision pa enseñanza pa 10 aña esta te cu 2017. Awe nos ta na luna di september, 5 luna mas leu y te ainda nada di e “Nationale onderwijsleerplan”. Con serio nos di enseñansa lo mester tuma e minister aki. Ta un tristesa, ora cu bo bira wak cuanto placa a wordo gasta den ful e comedia aki, y nada di producto. Esnan cu ta traha den enseñansa porta lo compronde mas miho con dolor e ta haci. Ora bo ta wak muchanan cu no ta logra metanan, simplemente pa falta di materia, local y otro cosnan basico y simpel, cu minister por soluciona. Pero simplemente pa bay den un aventura, y pretende cu e lo bay inventa e wiel, cu jamam enseñansa pa Aruba, ta pone cu awe nos adal hopi stap, pero no dilanti sino patras, pa cu nos enseñansa. Di tur e investigashonnan nos no ta tende nada mas. Con a para cu e raport di e mal resultadonan di examen? Na unda e raport di e investigashion di colegio Arubano, haci pa inspectie di Aruba y Hulanda a keda? I asina nos por sigui.

E manera descabeja di trata cu enseñansa!!!!

Pa loke ta trata e “Nationale onderwijsleerplan” di minister, mi ta na altura cu tin hopi actornan di hopi importancia den nos cominidad, sigur pa loke ta trata enseñanza cu no a wordo inbolucra, m’a menciona S.I.M.A.R. caba. Esaki ta algo inacceptabel, si nos mester wak con minister, a trata cu e cartera di enseñanza ta obvio cu enseñanza no ta halto ariba e lista di e minister aki. Pa e minister aki su “Nationale terreinverkoop- plan” ta hopi mas importante sigur si nos wak cuanto di e dealnan aki a wordo cristalisa riba fechanan cu e minister aki tabata cu vakantie (verlof) foei Marisol, Cu abo na cabes enseñanza a perde speransa.