AVP - CRISTIAN DEMOCRATA ARUBA
   
JOHN V.D. BIEZEN - Miembro di AVP
CLERO CATOLICO TA CONFIRMA CU POBREZA A CRESE Y TA ALARMANTE
Home > Centro di Prensa > Noticia > 20070923
 

Recientemente Clero Catolico a emiti den su boletín informativo, cu ta ser reparti den tur parokia di Aruba, su preocupación tocante di e pobresa reinante aki na Aruba. Hopi biaha nos por a tende di parti di Prome Minister di Aruba cu na Aruba no tin pobresa, cu na Aruba e ta mira hende ta core Lexus y otro auto nan luhoso.

Na Aruba no ta un secreto cu e prijs di awa y corriente ta hopi halto, prijs di gasolin no ta di papia mes y pa colmo Gabinete Oduber 4 encabesa pa Prome Minister Oduber ta sigui aplica medidanan ariba pueblo di Aruba na un manera mescos cu ta un straf, Prome Minister ta imponiendo ariba e pueblo di Aruba. Tempo cu partido AVP a a papia di redoblamento di pensioen y cu e placa cu e pensionadonan tabata recibi no tabata yega pa hiba un bida decente,

Prome Minister di Aruba, Sr Oduber tabata bisa cu no tabata por. A pesar di e negativismo di Sr Oduber e tempo ey y enfocando semper ariba e aspecto social y humano, partido AVP a demostra di tin e boluntad pa cumpli cu e pensionadonan. Cada bes cu partido MEP tabata impone medida nan durante su gobernación, partido AVP tabata kita esaki nan na momento cu e tabata asumi responsabilidad di gobernación. Awendia nos por tende for di parlamentarionan y ministernan di partido MEP cu no tin pobresa na Aruba y cu partido AVP ta exagera y ta hunga politica.

Partido AVP un biaha mas ta haya rason na momento cu Clero Catolico ta confirma den su boletín informativo cu ta ser reparti den tur parokia di Aruba, cu e BBO a hasi un impacto negativo ariba nos comunidad causando un pobresa alarmante. Clero sigur ta un di e promenan cu ta ricibi e bishita di esnan cu a ser afecta directamente door di tur e medidanan y sigur e BBO impone door di e Gabinete nan 3 y 4.

Pues Clero a kibra cu e silencio y a sali bin afor denunciando e inhusticia cu ta ser cometi contra e pueblo di Aruba. Hopi ta e medidanan imponi ariba pueblo di Aruba mientras e entradanan cu gobierno di MEP a haya for di e medidanan ta ser inverti gran parti den y na bienestar di esnan serca di e ministernan di partido MEP. Minister Marisol Lopez Tromp, encarga cu Asuntonan Social, a lubida completamente ariba esnan pober y tambe esnan di menos recurso y ta enfoca ariba e miyonarionan y con pa con reparti terenonan pa nan. No solamente e clero Catolico pero tambe e demas Iglesianan Cristian tambe ta confronta cu e situacionan doloroso y alarmante cu nos comunidad ta pasando aden.

E tendencia dictatorial di Gabinete Oduber 4 ta refleja cada dia na momento cu Ministernan y Parlamentarionan di Mep ta trata di intimida tur esnan cu ta vocifera nan preocupación pa cu e situación reinante na Aruba. Clero di Aruba en general por ta sigur cu ora e pesadiya di Gabinete Oduber 4 pasa, partido AVP lo traha na bienestar di un y tur garantizando un mihor calidad di bida pa cada un.

top