A tuma nota na noticia di e canal di Minister Marisol y su ruman paso ta Minister Marisol so bo ta mira ta hanja cobertura na e canal di television di e gobierno aki. Ta mescos cu ta un programa paga telenoticia a para bira paso ta Minister Marisol so bo ta wak di e casi un ora di noticia cu e canal di television ey ta duna. Mira con ta usa placa di pueblo. Esey Minister Marisol nota mira. Minister Marisol pa e purba hustifica su mes cu e ta cana regala tereno di nos pueblo na comerciantenan generoso cu tawata generoso cu su campanja ta bin cu mentiranan y purba danja number di hendenan drechi den comunidad aki.

Un Minister Marisol completamente otro cu tur e anjanan cu nos a conoce. Un Minister Marisol hostina y rabia. Un Minister ful transforma di un lamchi pa un lobo feroz. Awor cu su mascarada a cai kier bin purba na hustifica loke e ta haci cu tereno di pueblo. Cu e ta bisa cu tawatin cosnan dudoso of corrupto of contra ley e pregunta ta dikon bo a keda keto 6 anja largo anto? Bo mes ta complice si bo ta na altura di actonan asina y bo ta keda keto.

E Minister aki ta bisa cu e tin prueba di e actonan dudoso of corrupto of contra ley y cu elo bin cu nan na su debido tempo. AWO ta e debido tempo y no warda mas. Bo a warda 6 anja caba y e ta hacibo complice tambe. Si tin cosnan cu segun bo ta dudoso of corrupto of contra ley cu placa di pueblo dicon e Minister aki NO a haci denuncia na Ministerio Publico pa cuminsa un caso penal pa sera e autornan? Y kiko ela haci? Ela bai busca un compania priva pa haci investigacion. E hendenan aki NO tin autoridad pa haci tal investigacion. E pueblo y mas mihor ainda e trahadornan di e tempo ey di Interbank mes sa mihor cu ningun hende kiko a sosode. Henter pueblo sa kiko a pasa e tempo ey pero mi ta bolbe splike pa e Minister aki den su desesperacion no purba bruha tera pa purba hustifica su maneho corrumpi cu terenonan di nos pueblo!

E ta bisa cu tur Arubianonan tin derecho riba tereno di pueblo pero esaki NO ta berdad! Ta e Arubianonan cu a financia su campanja y cu a vota pe SO tin derecho riba tereno di pueblo! Resto di pueblo NO tin derecho riba un tereno! Loke a pasa 6 anja pasa cu e Interbank tawata travesa temponan dificil ora cu Banco Central di Aruba a dicidi cu nan lo no para garantia mas pa ningun accion haci pa Interbank. Esaki ta encera cu Banco Central dicidi pa kita su man protector ariba un Banco, esey ta nifica tambe su final. Banco Central Mirando cu e Entidad di F.C.C.A lo ta esun cu mas lo Sali perhudica esta un Fundacion di Gobierno ariba e decenlace aki, a conseha Gobierno y F.C.C.A pa tuma e Banco over di Famia cu tawata Donjo di e banco. Pa salbaguardia e fondonan di F.C.C.A y Gobierno y placa di spaar di e Famianan, y tambe Comercio cu tawata haci negoshi cu e Banco pa no keda desampara, cu lo nifica tambe un declaración di bancarota cu efecto multiple. Cual a jega di pasa caba na Aruba cu un Banco di Donjonan Venezolano na Aruba cu tur hende a perde nan placa. Aki ta caminda cu Banco Central a juda negocia cu Famianan heredero di e banco pa por jega na un acuerdo cu famianan mester bende 4 di nan edificionan pa por hinca e placa bek den e banco pa por jega na un acuerdo pa F.C.C.A at least por recobra su fondonan. Aki ta caminda cu den negosacionnan a culmina cu F.C.C.A a tuma over Interbank y a laga tur trahador cu nan trabow solamente e donjonan mester a bandona e Banco. Error kisas di Gobierno tawata cu no a cambia nomber di e Banco, pero e concorcio F.C.C.A/Interbank a bira e banco mas solido na Aruba, pasobra tawata un banco di Gobierno. Pero capricho politico a caba cu e Entidad Bancario Fuerte aki cu Banco Central a Crea lo por tawata e Banco mas poderoso na Aruba si tur Entidad di Gobierno a Inverti den nan propio Banco. Pero Capricho Politico a hunga un rol ariba mente meskino di hende pa kibra un Banco pa haci como sifuera cu algo a bay robes. Despues di tur e hazanja aki ora cu a nenga pa e Grupo Berlinski cumpra e accion nan di e Banco, ta Aruba Bank a haja e oportunidad di Gobierno pa cumpra e Banco mandando cas mas cu 100 Tata y Mama di famia cas, ainda F.C.C.A mester duna Aruba Bank 19 miljoen florin pa nan tuma Interbank over. Kico a pasa anto? Minister Marisol su Gobierno di MALA FE aki di su partido M.E.P. na anja 2001 ora nan a tuma mando deliberadamente a bai saca tur gobierno su placa cu gobierno tawatin na e banco aki di e.o. Elmar, Utilities etc etc. pa asina e banco bai malo cu e consecuencia cu nos tur sa awe. Tambe e gobierno di MALA FE aki a core cu e director F.C.C.A di e tempo ey y su management.

Aki ningun 40 miyon di pueblo a desaparece y ni a gasta placa di pueblo! E Minister aki ta busca pa desvia atencion di tur e traspasonan dudoso di terenonan di pueblo y A.V.P. a bin cu pruebanan contundente di esakinan pa pueblo y e ta haci dolor! A.V.P. no ta papia so y inventa pero ta bin cu pruebanan pa mustra cu loke A.V.P. ta papia e tin pruebanan palpable tambe! Awor e reto ta na e Minister hostina y desespera aki pa bin cu su pruebanan cu e ta bisa cu e tin! E ta bruha cosnan cu no tin nada di haber cu e asunto di F.C.C.A. e tempo ey. E Minister aki ta bin bruha tera tocante un empresa priva di famia Eman cu no tin nada di haber cu loke a pasa cu Interbank. Pa MALA FE di su gobierno cu tin cu kibra tur cos cu otro gobierno bin cune hasta si e ta perhudica un pueblo completo y pan di hopi famianan na Aruba.

Pa MALA FE di su gobierno e banco casi a bai bancarota y pa esey NO pasa e gobierno di e tempo aya a tuma e decision cu conseho di banco central di Aruba a dune cu tawata un bon decision tempo ey pa tur hende pero si e Minister aki su gobierno a handle e situacion drechi y NO a saka su placanan pa MALO di e banco aki pa debilite awe INTERBANK ta existi ainda. Nos di A.V.P. por wel di ta canta falso pero nos NO ta hende falso manera E cu awo su mascarada a cai pa mustra ken e ta en realidad y no un popchi lief manera ela ganja tur hende seis (6) anja largo!