d.r.p.d.: dr. Mito Croes; dr. Fernando Fernandez-Martin (Parl. Europeo); mr. Mike Eman; sr. Sergio Marquez (Parl. Europeo)

Despues cu Mike Eman a wordo elegi vice-presidente di Centrista Democratanan Internacional, e la probecha di reuni cu un cantidad di funccionarionan di Union Europeo. E meta di e reunionan aki ta pa e por haya e ultimo datonan di e memorandum cu awor ta vigente pa e paisnan Ultra Periferico. E memorandum aki ta delinja y ratifica e posicion special pa e regionan ultra-periferico den

Union Europeo. Tambe, segun sr. Eman, “e ta duna nos e oportunidad pa mira un biaha mas kiko ta e oportunidadnan pa e futuro di Aruba den cuadro di un posicion distinto, den cuadro di un posicion ultra-periferico.” Dr. Mito Croes, cu ta e experto Arubiano ariba e topico di relacionan di Union Europeo,

			Entrevista
			mr. M.G. (Mike) Eman
			2:34 min - 2.35 MB
			dr. mr. A.G. (Mito) Croes
			1:19 min - 1.21 MB

tambe ta hunto cu Mike Eman den e reunionan aki. E ta splica cu nan ta siguiendo algo cu nan a cuminsa algun aña atras. E tipo di reunionan aki ta hopi importante, pasobra tin un diferencia entre theoria y practica. Nos sa e theorianan caba, pero e representantenan di Madeira y Canarias “ta esunan mihor informa na mundo den e topico aki”. Nos tey aki pa siña di nan experiencia y know-how, segun dr. Croes. Nan sa kiko tin den Union Europeo y e regionan ultra-periferico y kiko ta e perspective pa e futuro di e relacionan aki, segun Mito Croes.

		Edificio di Parlamento Europeo na Straatsburg, Francia.

E recepcion di mr. Mike Eman y dr. mr. Mito Croes, tawata hopi bon y nan ta goza di un bon relacion cu un cantidad di miembronan di parlemento di Union Europeo. Mike Eman a splica cu e “ta aprecia enormenente e posicion habri cu hopi cooperacion cu nos a haya for di e miembronan di parlamento di Union Europeo, tanto di Canarias, como di Madeira, pasobra nan tin un experiencia hopi largo cu e posicion aki caba, den Union Europeo. Nan tin un conosemento hopi amplio, ariba e material aki y nan por ta un guia hopi bon pa nos, ora nos tuma e pasonan y mester hasi e escohencianan pa locual ta trata e posicion pa futuro di Aruba”.

			Entrevista
			dr. F.Fernandez-Martin
			2:57 min - 2.51 MB
			sr. Sergio Marquez
			1:32 min - 1.41 MB

Segun e parlamentario Europeo, y ex-presidente di Islas Canarias, Fernando Fernandez Martin, ta splica cu mañan, hunto cu e parlamentario di AVP Mike Eman, dr. Mito Croes y Parlamentario di Union Europeo pa Madeira, Sergio Marquez, nan lo tene mas reunion cu otro miembronan di parlamento Europeo. Entre e reunionan cu nan lo tene, ta un cu miembro di parlamento Europeo y alavez coordinador di e equipo popular Europeo cu ta esun majoritario: Labert van Nistelrooy. E reunion aki lo sirbi pa nan por haya mas informacion for di e parlamentario Hulandes, van Nistelrooy, cu tin masha conosimento mes di e materia di ultra-periferia den Union Europeo.

Segun Mike Eman e ta masha contento cu e ultimo desaroyonan den e topico aki y tambe e ta masha contento cu e acceptacion y cooperacion cu e la haya den e bishita importante aki.