AVP - CRISTIAN DEMOCRATA ARUBA
   
Presupuesto Alternativa di AVP den Mesa Rondo
MESTER Y POR OTRO TA ENFASIS DI E ALTERNATIVA BERDE
Reduccion di gasto ta habri caminda pa inversion necesario y
alivio pa pueblo!
Home > Centro di Prensa > Noticia > 20071205
 

Durante tratamento di e reunion publico riba e Presupuesto di Finanzas y Economia e fraccion di AVP lo presenta un Presupuesto Alternativa. Ta bai corta den gastonan inecesario pa sirbi como “dekkingsmiddelen” pa cubri pa cambio di prioridad den presupuesto di pais Aruba. Ta trata di un alternativa cuantifica. Lider di fraccion di AVP, mr. Mike Eman, parlamentario ing. Mike de Meza, drs. Andy Lee y mr. drs. Arthur Dowers tabata invitadonan den un programa di mesa rondo caminda e novum aki den politica a worde profundisa cu moderador Tom Pieters.

mr. Mike Eman

Lider fraccion di AVP a splica cu Aruba mester di un vision y un mision, carga pa un pueblo cu ta worde inspira pa un liderasgo cu ta duna e motivacion y guia cu ta duna confianza. E confianza aki ta resalta den un maneho profesional, serio y dedica na pueblo y pais.

Fraccion di AVP a scrutina e presupuesto di gobierno y a haya suficiente “postnan” caminda por reduci gasto pa por cubri pa inversionan cu ta necesario den desaroyo social, ensenjansa, infrastructura y promocion di turismo y eliminacion di BBO den dos fase.

Gobierno ta gastando mucho placa na gastonan coriente y inversionnan ta keda atras. E gastonan coriente ta desproporcionalmente halto compara cu su inversionan. Pesey edificionan, caretera, ensenjansa y asuntonan social y economia ta sufriendo un deterioro. Den esaki fraccion di AVP ta propone un buelta grandi, e lider di fraccion di AVP, mr. Mike Eman a splica.
drs. Andy Lee
Drs. Andy Lee a splica cu AVP ta realoca un suma grandi na gastonan inecesario pa asina por revitalisa nos economia, turismo, infrastructura y mas importante ainda educasion di nos juinan.
E fraccion ta menciona specificamente (post pa post) tur e gastonan cu lo wordo realoca, den e presupuesto alternativa. E sumanan cu ta wordo realoca ta pa inverti den, entre otro, e siguiente metanan:

•

 inversion den cuido social.
  introduccion di un schoolkinderentoeslag di Afl. 100,== ariba e suma di bijslag pa cada mucha di un famia riba onderstand.
   
• indexering di e onderstand basico
   
• inversion den construccion
   
• renovacion y mantencion di schoolnan
   
• den mantencion y renovacion di caretera
   
• den promocion di turismo
   
• den patrimonionan nacional
  Bestuurskantoor, Mainstreet y San Nicolas
   
• Tambe un buelta grandi ta worde realisa cu eliminacion di BBO den dos fase.
Parti grandi di e recursonan necesario, parlamentario Lee a splica cu fraccion di AVP, a busca den reduccion di gastonan riba postnan den presupuesto. E reduccionan cu fraccion di AVP ta propone ta entre otro den e postnan
• Salarissen en Toelagen
  Keda sin yena vacaturanan cu ta habri den e resto di anja
   
• Reis-en Verblijfkosten
   
• Telefoon, Fax en Internetkosten
   
• Huurgebouwen
   
• Voorlichting en Promotie
  Cu excepcion di promocion pa turismo, salubridad y ensenjansa
   
• Deskundig Advies
   
• Overige Uitbestedingen
   
• Overige Kosten
ing. Mike de Meza
Parlamentario, ing. Mike de Meza a mustra riba e deterioro grandi den infrastructura di Aruba cu no ta hayando e atencion cu e merece. Camindanan grandi cu por alivia trafico no ta worde inverti den dje. Aruba ta bezig ta "verpauper". Tambe de Meza a splica di e forma con San Nicoals ta worde neglisha y cu den e presupuesto alternativa di AVP ta worde poni placa extra pa inversion den infrastructura y San Nicolas specificamente.
Inversionan grandi den San Nicoals cu e gobierno di AVP a haci den pasado, Gabinete Oduber a stop cu nan desde 2001 cu nan a sinta. De Meza a papia di e vierbaansweg y ringwegen cu ta importante pa e infrstructura di nos isla. E ultimo aki Gabinete Oduber ta negliciando totalmente.
Tambe a papia riba e “caos” den construccion di apartamento y condominiumnan sin planeamento y cu concecuencia grave pa medio ambiente y ordenamento di spacionan publico. De Meza a mustra cu AVP tin un vision pa soluciona e problemanan aki y trece gobernacion profesional pa maneha asuntonan den un forma, serio, responsabel y planea.
mr. drs. Arthur Dowers
Parlamentario Dowers a papia di e probleman social grave cu tin na Aruba y un pobresa creciente. E a mustra con AVP, den e presupuesto alternativa, ta bin cu sosten pa esnan den mas necesidad. Pa cuminsa e eliminacion di BBO lo trece un alivio pa tur hende ariba Aruba. Esey ta e aspecto di mas importante cu lo trece alivio pa nos pueblo.
Pa loke ta trata di onderstand sr. Dowers a splica cu AVP kier sigui stimula esnan riba onderstand pa por re-integra den e mercado laboral. Ta keda sinembargo semper persona cu ta dificil pa re-integra of pa un tempo ta keda depende di onderstand. Pa e personanan aki e suma cu nan ta haya ta hopi abao. Specialmente pa esnan cu jiu, esaki ta cai hopi pisa. Pesey e presupuesto alternativa ta bin cu un ahustacion riba e onderstand y introduccion di un schoolkinderentoeslag. E ultimo aki ta specificamente pa esnan cu ta biba di onderstand y tin jiu cu ta bai school. Mester duna hende derecho riba un existencia husto y digno.
Mester y Por Otro
Pa e fraccion berde, e presupuesto alternativa aki ta un ehempel cu cos por bai hopi diferente. Pa futuro, AVP kier soluciona e problemanan aki na un forma structural y asina ofrece Aruba otro perspectivanan. Ta pesey mes, partido AVP ta traha cu un cantidad di expertonan tanto local como internacional y tambe su propio institututo cientifico pa yega na solucionnan pa pais Aruba. “Nos ta sigui un procedura solido pa por defini un vision pa e pais aki”. Eman a haci referencia na tantisimo seminarionan y symposia cu su partido y organonan di conseho a organisa. E ta menciona tambe, e raport y estudionan cu AVP a usa como base pa e linja cu e ta hibando. E la mustra tambe cu esaki ta e manera structura  y serio cu AVP ta prepara su mes. Cu e preparacion y e equipo nobo, AVP lo deshaci di e desaster cu e gabinete aki ta lagando atras pa nos pueblo. Cuminsando riba e “day-after” di gabinete Oduber, Aruba lo drenta un era nobo di vision pa futuro y bon gobernacion.
A base di e estudionan aki y “brainstorming” amplio ‘Plan Aruba’ a wordo desaroya. Ta pesey, den un maneho nobo di AVP e situacion ta wordo ataca na nan rais. E vision di AVP ta pa kita e desbalance financiero cu e gabinete actual a causa. E vision ta, pa na un forma bon y dirigi, sostene e economia y pa reestablece e confiansa.
Eman ta bisa cu e pensamento di restructuracion aki, di e forma con ta utilisa e entradanan di pais Aruba, ta worde sosteni tambe pa e rapport di “The National Commission on Public Finance (NCPF) “. Loke ta importante, no ta simplemente un balanced budget, pero con bo ta inverti e recursonan di un pais. Eman ta cita NCPF: “how best to limit and control the growth of government current expenditure, the size of government employment and to change the mix of public expenditures”.
Mr. Mike Eman te enfatisa cu e maneho di e presupuesto alternativa ta ofrece solucionnan total cu ta real, structura y debidamente presupuesta. E presupuesto alternativa a wordo prepara na un forma profesional, profundo y responsabel. Esaki ta keda demonstra den e presupuesto alternativa di fraccion di AVP.
 
 

top