Download Audio         Speranza 2007 (Cancion)         Spot Radial

Manera tur fin di aña, Partido di Pueblo Arubano ta trece pa pueblo di Aruba un celebracion di speranza y inspiracion: su Concierto di Speranza. Tur fin di aña, net prome cu e siman di Pasco Partido AVP, ta celebra Pasco y fin di aña cu su pueblo. E partido ta trece un cantidad di artistanan local pa hasi nan presentacionnan den entre otro musica y baile. Banda di tur esaki, e anochi no ta completo sin e diferente cumindanan navideño di tur aña.

Loke a hasi Concierto di Speranza di AVP asina special y inolvidabel, ta e artistanan mes. E concierto ta un plataforma pa esnan profesional expone nan trabou, pero na e mesun tempo esnan cu ta cuminsando nan carera artistico por hasi nan prome impresion riba un publico.

E aña aki lo ta presente riba stage un variedad grandi di artistanan local. Entre nan nos por menciona, Humphrey Obispa, ganador di “Sparkling Tour 2007”, cu lo deleita e publico presente cu entre otro su exito “For di mi bentana”. Doedel Sofia, cu e aña aki a trece un produccion cu hopi inspiracion ariba mercado, lo yena e publico cu speranza. Katatumbito, e version infantil di Katatumbo, tambe lo ta presente cu nan coro di 9 mucha cu lo deleita e publico cu nan gaitanan bunita, tradicional y hubenil, respalda musicalmente pa e grandinan di Katatumbo. Pierewietje, un di e gruponan mas dynamico y profesional den baile y canto na Aruba lo lanta publico cu nan presentacion, bou direccion di Martha Figueroa. Super Dancers, un grupo hubenil di baile, bou direccion di Magaly Croes, lo deleita un y tur cu nan bailenan creativo y bunita. Den un palabra: “Super”.

Gaita Expetacular, lo ta presente di un manera espectacular, pa pone un y tur baila cu nan version unico di gaita navideño Arubiano. Suzy Kock, lo presenta su cancion yen di inspiracion cu a wordo traha specialmente pa temporada di pasco. Su jiu muher Kimberly, tambe lo deleita e publico cu su cancion di pasco.