|
 Anto cual ta e motibo cu nos no ta biba segun su palabra?
Kisas ta orguyo, berguensa, egoismo of falta di conocimento?
Dor di biba pa nos prohimo, juda y stima nos prohimo nos ta sirbi Dios.
Pasobra si bo no tabata sa, Dios semper ta manifesta su mes den esnan mas necesita.
Tur dia nos por wak nos prohimo sufriendo, pero nos no ta saca un man pa juda
por ehempel, esun cu ta saca su man pa un pida pan,
nos grandinan cu ta pidi atencion, nos hubentud cu mester di hopi pasenshi y dedicacion,
mayornan cu ta pidi respet, matrimonionan cu ta sclama pa Amor y Fidelidad,
famianan cu no por mas y ta pidi pa pas y husticia y asina nos por sigui menciona.
Tur e cosnan aki ta demostra cu Dios ta papia cu nos tur dia.
No warda mas, duna bo prohimo e man cu e ta pidibo. Dios lo sa di recompensabo. |
