Fraccion di AVP cu poco asombro a tuma nota cu RED awor ta di acuerdo cu un “maatschappelijkke stage”, pero lamentablemente Rudy Lampe a vota contra e Prespuesto Alternativa di AVP den cual “maatschappelijke stage” pa hobennan (12 pa 19) lo a worde introduci na Aruba.

Mas vez nos ta mira e realisacion laat aki di e miembro di RED cu promer ta vota pro of contra un cos hunto cu fraccion di MEP y despues ta bin purba drecha cos ora ya ta laat. Asina Rudy Lampe (RED) a vota pa e cambionan inhumano den LTU y tambe a bandona Aruba na momento cu tabata tin demostracion contra introduccion di BBO.

Den e Prespuesto Alternativa di AVP ta worde crea henter e infrastructura pa cuminsa introduccion di “maatschappelijke stage” manera cu Staatssecretaris di Hulanda pa Ensenjanza, Marja van Bijsterveldt (CDA) a introduci na Hulanda den e programa “Maatschappelijke Stage, Samen leven kun je leren”. Esaki ta sosode via schoolnan secundario caminda studiantenan ta haya como parti di nan curriculum escolar experiencia comunitario dor di core stage den ambiente cu ta cultiva e sentido di responsabildad civico y comunitario. Ta trata aki di por ehempel casnan pa anciano, pa handicap, Rode Kruis, hospital, centronan di rehabilitacion y tambe trabao social y deportivo pa formacion di mucha.

AVP a presenta esaki den cuadra di e atencion pa e nececidad pa reinforza e sentido civico y comunitario den nos pais atrobe. Ta mira schoolnan como un lugar adecuado pa juda inculca e sentido civico aki den un forma structura den nos hobennan. Estudionan cu fraccion di AVP a haci riba e materia aki y e experiencia tanto na Hulanda cu “maatschappelijke stage” como na Merca cu “service learning” a mustra cu ta importante pa e “stage” aki sosode bao guia di school y forma parti di un curicullum di school. Ta trata di un stage cu no ta dirigi riba prepara e hoben directamente pa un profesion specifico, pero pa juda den formacion di e hoben su caracter, su interes y responsabilidad civico y comunitario.

E prespuesto alternativa di AVP ta splica bao di e cabez “invoering maatschappelijke stage”:

Esaki ta locual e fraccion di MEP y RED a vota contra tambe ora a vota contra di e Prespuesto Alternativa di AVP. Hunto cu esaki MEP y RED a vota contra proposicionnan fundamental cu tin den e Presupesto Alternativa cu por a cuminsa cambia di awor caba rumbo di nos pais y trece alivio y oportunidad pa pueblo.