|
|
|
Remetido: drs.
Andy Lee |
|
|
|
OFICINA CENTRAL DI
ESTADISTICA: |
|
|
CIFRANAN CONFIABEL, CONTANDO E STORIA DI ARUBA |
|
|
Home >
Centro di Prensa > Noticia
> 20080120 |
|
|
|
|
Recientemente Oficina Central di Estadisitica (CBS) a lansa nan
webpage. Un servicio nobo di e oficina, cual ta necesario y hopi util pa nos comunidad. Cu e stap aki CBS ta den e posicion di mehora su servicionan pa su clientenan, pero tambe pa cu dunadornan di informacion, sin kende no ta posibel pa por transmiti tanto informacion y conocemento di nos sociedad. |
|
|
|
 Den cuadro di e lansamento di e web page di Oficina Central di Estadistica, ta na su lugar pa felicita CBS cu e extension di servicio na nos comunidad, y duna elogio na e team di CBS pa cu e forma overzichtelijk y completo cu ta presenta e rikesa na informacion y conocemento di nos Pais y su hendenan. Cu e informacion estadistico ta directamente disponibel pa usadornan via di internet, ta facilita grandemente e trabou di e usadornan aki. |
|
|
|
Rikesa na cifranan, cu ta conta storia di Aruba, directamente accesible |
|
|
|
Den transcurso di anja CBS a sa di colecta na un base regular un cantidad di cifranan tocante diferente aspecto di nos Pais y su hendenan. E cifranan aki CBS ta procesa na informacion y conocemento di nos sociedad, cual ta presenta den e publicacionnan di CBS cu awor ta disponibel imediatamente y gratuitamente ariba e web page. E manera systematico di procesa data pa informacion y conocemento ta permiti cada cifra cu ta presenta, pa conta un storia abstracto y anonimo di nos Pais, presenta den un formato numerico, pero sigur no menos autentico. |
|
|
 Cada cifra cu ta presenta ta conta un storia unico di nos Pais y di su hendenan. Tras di cada cifra, cada statisitek, tin personanan real contando nan storia. Conhunto, e statistieknan cu CBS ta produci ta conta e storia interesante encuanto di e bida social y economico di tur hende cu ta biba ariba nos Pais hoben y dynamico. Un storia di unda nos ta bini y unda nos ta para actualmente. CBS a sa di pone e posicion regional y internacional di Aruba den perspectiva, produciendo cifranan cu ta internacionalemente comparabel, y asina ta deliver conocemento y comprendemento di nos sociedad. Mediante e web page di CBS, e storia di Aruba, den forma quantitativo, awor ta directamente accesible pa un y tur via di internet. Un mehoracion considerabel di e calidad di servicio cu e oficina aki a bini ta brindando. |
|
|
|
Fundeshi di e bon trabou di CBS |
|
|
|
Nunca mester perde for di bista cu tras di e rikesa na informacion y conocemento di nos sociedad, tras di e capacidad pa aplica technologianan moderno relevante pa facilita trabou di e usadornan, ta para un team di profesionalnan cu ta traha duru pa cumpli cu nan mission y deliver informacion y conocemento util, imparcial y di relevancia, na tempo na nos comunidad. Secreto di e éxito di CBS ta e spirito di team y pues e cooperacion estrecho pa cumpli cu nan mision y sirbi interes general di Aruba lo mihor posibel. Un sentido di responsabilidad pa traha pa mantene un bon cooperacion cu dunador di informacion, y un cultura di organisacion dirihi ariba ehecucion y delivery di resultadonan concreto. |
|
|
|
Mi tabatin e privilegio di por a experencia, firsthand, con e reputacion profesional di CBS Aruba a crece den un termino cortico den nos region relevante, convirtiendo su mes den un modelo pa otro Oficinan di Estadistica den Caribe, y compartiendo conocemento y experiencia local den nos region. Esaki por tabata posibel den un termino cortico, paso e ideal pa hasi un trabou sublime pa nan Pais ta ser carga pa cada un di e profesional cu ta trahando na CBS Aruba. Y, firsthand, mi por a sinti e orguyo y privilegio di tabata pertenece na e team aki, y e orguyo di ta un Arubiano, caminda nos Pais ta sobresali profesionalmente den Caribe. |
|
|
|
Conociendo e capacidad profesional di e team di CBS, mi tin pleno confiansa cu nan lo sa di duna hopi mas aporte na bienestar y desaroyo di nos Pais. |
|
|
Drs. R.A. (Andy) Lee
Miembro di Parlemento
Fraccion AVP |
|
|
|
|
|
|
top |
|
|
