Awe nos ta dos aña mas leu di e dia cu prome minister di Aruba a duna minister Marisol Tromp e tarea pa dirigi enseñansa aki na Aruba. Lamentablemente ora nos wak bek atras, nos ta constata cu nos enseñansa ta mas malo cu nunca esaki den tur centido, tur dia nos por lesa, mira y tende con resultadonan di scol ta bayendo di malo pa pio. Pero nada no ta wordo haci diparti di e minister encarga. Ainda ta fresco den mi mente tres (3) di e hopi espectaculonan cu e minister aki a protagonisa, pero te awe nos no a wak kiko ta e final di e espectaculonan aki.

Espectaculo (1) N.O.P “Nacionale Onderwijs Plan”……...

 Minister di a enseñansa a sali cu jen di fanvaria, gastando un cantidad di fondo publico cu e espectaculo jama N.O.P. un plan nacional di enseñanza, cu lo mester a pone e base pa nos enseñansa di 2007 te cu 2017. Un plan cu lo mester a wordo entrega na mei 2007, awe ta resulta cu tur cos a keda na aros con coco. Ainda e plan aki no por wordo precenta públicamente, y mucho menos ehecuta. Dicon ? Esaki ta preguntanan cu minister lo mester sali dilanti y contesta. Informacion cu ami tin, ta cu departamento di enseñansa tabata tin un presentacion, di e plan aki pa un grupo selecta . Sigun mi información e grupo aki a haña loke nan ta jama na hulandes “een kop en staart verslag” un “verslag” cu falta un cantidad di pagina. Porta Marisol no kier pa e otronan lesa kiko a wordo scirbi ???? Pa e motibo aki el a laga saca algun pagina afo ???? Marisol ta basta di e sconde informacion, a jega e momento pa accion den enseñansa. Enseñansa no por warda mas.

Ta fresco den memoria di tur hende con minister Marisol a bay den medionan di comunicacion y a gaba cu su espectaculo (2) bishita di inspeccion di hulanda encombinacion cu esun di Aruba. Pero ainda nos no a mira e resultado di e investigacion. Ni den e presupuesto di Marisol, nos no por mira, cu e lo kier bay haci algo pa drecha of sikiera alivia e situacion na colegio. Contrario ta mayornan mester a organisa un fiesta di gala pa recauda fondo pa juda scol. Marisol ta basta di sconde informacion, a jega e momento pa accion den enseñansa. Enseñansa no por warda mas.

Na prome lugar, mi kier a manda un palabra di pabien na C.B.S pa e tremendo analysis cu nan a haci y sigur un pabien pa e producto final esta e raport cu nan a presenta. Pero lastimamente, cu e raport aki ainda nos no ta wak minister haci uso di dje. Awe nos ta na fin di january caba kiermen falta solamente 4 luna pa e siguiente “Nationale toets Primair Onderwijs”, esey ta si minister hacie atrobe. y ainda ningun scol no a haña e ayudo cu minister a priminti. Nos por corda cu minister a bisa y a publica esaki tambe, den e comunicado cu e ta saca tur luna, pa bisa ki tur e lo ta haciendo pa enseñansa. Minister a bisa cu después dia haña e resultadonan e scolnan cu mester di ayudo esaki lo wordo brinda na nan pero ainda nada. Marisol ta basta di sconde informacion, a jega e momento pa accion den enseñansa. Enseñansa no por warda mas. Enseñansa merece hopi mas cu loke e ta risibiendo.

Manera mi a jega di bisa hopi biaha, enseñansa ta e unico yabi pa un vida digno. Na e momento cu bo no pone, suficiente atención na educación di bo pueblo. Bo ta pone e futuro di bo pueblo, den risiconan grandi. Pa haci esaki ta exigi planificacion y vision. Lamentablemente esaki ta loke nos minister di enseñansa ta carese di dje. Mi ta culmina e articulo aki cu un dicho na ingles. Sperando cu e sirbi di reflexion, pa nos minister . E dicho ta bisa lo siguiente “who fail to plan, Plan to fail”. Esaki ta loke ta pasando cu e enseñansa di nos pais. E minister a faya den planificacion, consecuentemente el a plania pa faya. No lubida Marlon tin atencion pa educacion paso educacion ta sali for di su corason.