Nos por a lesa, den diferente comunicado di prensa, con minister Marisol a Sali dilanti pa defende, e echo cu el a laga traha un brug na Noord #22. Mester remarca cu esaki, a tuma lugar, contra tur consego negativo di expertonan. Un brug cu a costa pueblo Afl 600.000. E argumento, cu mas a wordo usa pa defende e decision descabeja aki, tabata cu e brug aki tabata di sumo importancia pa e pueblo di Noord. Cu esaki tabata un prioridad pa e vecindario y cu el lo trese alivio pa e trafico banda di scol. Pero tur esaki a resulta di ta mentira, otro mentira cu e gobernante a usa pa por gasta placa di pueblo na su antogo.

Kiko ta mas importante……...

Tur hende por a mira e “situatie plan” cu Diario a publica, aki bo por a mira cu bo propio wowo, cu e caminda cu lo Sali for di e brug di Marisol, lo pasa. (1) banda di un veld, caminda muchanan ta practica deporte, kiermen un peliger pa e muchanan aki. (2) E caminda aki ta bay directamente, na e compleho di apartament cu e minister a traha. (3) E caminda no ta jega den ningun sentido na e scolnan, esaki kiermen, cu si mayornan lo kier hasi uso di e e caminda aki, pa hiba nan jui scol. E mucha lo mester cana, porlomenos 500 meter pa por jega scol. Aki minister lo hinka muchanan den peliger, imagina bo muchanan entre 7 y 12 aña, canando nan so den mondi, pa por jega scol. Aki tin tres simpel punto, cu nos por conclui cu minister, na ningun momento a traha e brug aki, pa e pueblo di Noord y mucho menos pa e muchanan di scol. Minister pakiko tanto gañamento y pueblo aki merese miho.

E pueblo cu Boegoeroei y esun di Altovista, ja pa basta luna ta sufriendo e echo, cu e camindanan pa jega cas ta na werki. D.O.W a bin buta algun baricada y nada mas no a pasa. Ironia di bida, algun cenmeter for di e barionan aki, esta na Noord # 22 minister a laga traha un brug. Esaki pa esnan cu huur apartament serca dje, por jega su compleho di apartamentonan mas fasil. Sin lubida, e projecto di retaurant di famia, cu lo wordo construi na Noord # 22 E pueblo di Noord, por wel di core den buraco numa. Ta bon pano lubida e cantidad grandi di turista, cu ta haci uso di e caminda di Altovista, pa bay bishi ta papel. Ki berguensa, E parti bon di tur esaki ta, cu mas dia pasa, mas miho e pueblo aki, ta siña conose bo Marisol foei bo a laga tur hende na caya.