Lesa version na Hulandes

Parlamentario di AVP Benny Sevinger a declara cu reaccion di director di AZV, Ru Croes ta nada otro cu confirma dos cos. Uno cu AZV ta wordo maneha politicamente y dos nombracion di e monton di directornan nombra pa MEP ta paga mes ora.

Laga nos no lubida con nos a jega na e punto aki. Prome cu AZV a wordo introduci mas di 30 % di nos pueblo no tabata segura y mester a bai sinta serca un politico pa hanja un kaartchi di PPK pa despues bai warda den fila serca dokternan cu no ta tuma e kartchi di PPK. Pasobra gobierno ta un mal pagado. Pa elimina e descrepancia aki a crea AZV unda tur cuidadano ta segura y tin acecibilidad y derecho riba un cuido medico di calidad. E tempo ey a jega na un acuerdo cu tur actornan tanto pagado como duna dor di servicio con ta paga y kiko e cuido ta encera. Pa motibo cu no tabata tin cifranan exacto di nos cuido medico a dicidi cu tur actornan esta gremionan sindical, gremionan comercial, dokternan, specialistanan, boticanan, hospital y tur otro cu despues di un anja lo evalua AZV y lo sinta na mesa pa mira unda mester drecha y unda mester ahusta.

Segun Sevinger e por corda cu e director di e tempo ey sr. Anco Ringeling a pidi KPMG unda e director actual tabata traha sr. Ru Croes pa hasi un quick scan pa evalua con e situacion ta den AZV y e quick scan aki lo ta base pa e descucionnan cu lo mester cuminsa pa mira unda tin problema y con ta drecha esakinan. E raport aki gobierno di MEP y minister Booshi Wever a usa pa declara cu AZV ta for di control y a bin parlamento pa cambia e Ley unda a duna minister Booshi Wever tur poder pa hasi e bestuur mas chikito sacando diferente hende afor pa e nombra su hendenan pa asina declara cu e no tin confiansa den e director y a dicidi di bula cabes. Director sr. Ringeling awordo hala un banda pa nombra sr. Ru Croes como director nobo na AZV.

Aki segun parlamentaio di AVP Benny Sevinger ta caminda precupacion y martirio di pueblo a cuminsa. Sevinger ta puntra su mes con etico y profecional un persona por ta ora e director ta pidi un quick scan pa mira unda tin problema y esaki ta wordo usa pa bula su cabes anto un di esnan cu a hasi e quick scan ta termina ciendo e director nobo. Den Sevinger su opinion aki ta unda politica partidista ta hasi su entrada official den AZV. Si mira kiko ta e pasonan cu a tuma desde dia cu minister Booshi Wever a hanja tur poder den AZV no por conclui nada otro cu e pueblo ta esun cu a sali perdi. A subi e prima, a subi e premie grens y a introduci e positive lijst cu ta mas un negative lijst unda a kita tur remedy di calidad cu pueblo tabata hanja pa dune uno generico y hopi remedi pueblo mes mester paga pe.

Despues di tur e medidanan aki e cuido medico cu pueblo ta hanja no ta uno di calidad, pa diferente factornan, dokternan demotiva, remedinan cu dokternan no por prescribi, lista di espera a bolbe hasi su entrada unda mester warda simamnan pa un afspraak y riba dje pueblo mes mester paga pa un gran cantidad di remedi cu e tin mester. Na otro banda ta mira cu AZV a redobla tur su gastonan administrativo a bai huur edificio lujoso a tuma un gran cantidad di hende den servicio a introduci tur sorto di kartchi cu ta costa miyones. Ta tristo pa constata cu director sr. Ru Croes ta sali bisa cu awor si no tin deficit, cu tur gasto ta bao control y alugun luna despues a ta e bom ta rebenta cu tin un deficit di 30 miyon pa 2007 y pa 2008 si no hasi nada e lo ta 40 miyon. Anto aki ta caminda cu parlametarionan di AVP cu ta representa pueblo ta mustra gobierno riba nan responsabilidad pa cu e situacion aki ta hanja un reaction politicamente di director di AZV sr. Ru Croes cu ta bruha kier bruha tera.

Parlamentario di AVP Benny Sevinger ta kere cu si sr. Ru Croes ta tuma su trabao na serio hamas lo por tabata tin un sorpresa di 30 miyon di deficit y si esaki ta ecaso lo e mester tabata sa den e prome lunanan di 2007 caba y si esaki ta e caso AZV lo mester a mustra gobierno tempran riba nan responsabilidad pa cu esaki y no informa gobierno na fin di 2007 y despues ta forsa dokternan pa cobra pueblo paso nan no ta wordo paga. Pueblo ta esun cu ta sufri a trobe bao mal meneho di e gobierno malo aki.