Analisando e presupuesto di gobierno pa anja 2008 A.V.P. a ripara cu gobierno no a tene na cuenta e necesidad cu ta biba den nos comunidad y cu e maneho di gobierno ta pober y tambe e masha poco inversionnan ta empeora e situacion mas ainda. E maneho aki ta afecta e structura di nos economia, ensejansa, turismo, infrastructura e calidad di bida di nos hendenan. Pesey mes A.V.P. ta di opinion cu e deterioronan aki mester di atencion rapido y a traha un presupuesto alternativa pa asina aloca placa unda mas ta necesario y urgente. akinan mi ta elabora riba cada un di partinan caminda A.V.P. a atrece cambionan den e presupuesto 2008 cu ta demostra cu por otro si tin boluntad y pa pueblo ta na altura cu A.V.P. ta traha na bienestar y felicidad di nos tur y pa abo pueblo ta na altura di tur loke ta wordu haci!

ENSENANSA

Mirando cu e minister di ensejansa a corta cu casi 3 miyon den su prespuesto di ensejansa pa anja 2008 A.V.P. a aloca 5 miyon pa por inverti den materialnan pa skol y tambe pa drecha skolnan cu ta den hopi mal estado. E pregunta na Minister di Ensejansa ta kiko ta prioridad pe anto? Inverti den ensejansa ta inversion den futuro di nos pais!

ASUNTONAN SOCIAL

A aloca 8 miyon florin pa asuntonan social pa por combati e pobreza creciente cu tin den nos comunidad y tambe pa por garantiza e calidad di bida di nos hendenan na unda a hisa e bijstand cu 50% na e netto minimumloon y tambe a introduci un toeslag pa muchanan te 18 anja cu ta bai skol caminda cada mucha lo hanja 100 florin extra pa luna mirando cu costo di bida a subi barbaramente cu e BBO.

LO ELIMINA BBO

Lo elimina e maldito BBO cu ta e causante mas grandi di e pobreza creciente na Aruba y e costo di bida cu a bira asina impagabel! Esaki lo wordu elimina den dos anja. pa anja lo elimina 1.5 %.

TURISMO

A aloca 3 miyon extra pa turismo mirando cu e gobierno aki ta deja y no ta inverti suficiente placa den propaganda Aruba den exterior. A aloca e suma aki cu e meta pa atrae turistanan cu ta gasta mirando loke e turistanan a gasta na Aruba na anja 2007 a baha si nos compara esaki cu anja 2006.

DESAROLLO PA SAN NICOLAS Y VECINDARIO

Manera nos por mira e gobierno aki no tin ningun atencion pa e parti di pariba di brug y cu esaki a keda atras den desarollo compara cu resto di Aruba pesey mes A.V.P. a aloca den su prespuesto alernativa 2.5 miyon pa desarolla esaki.

INDEXERING pa ambtenaar

Den e casi siete anja cu e gobierno aki ta sinta nunca e no a compensa e ambtenaar cu indexering. A.V.P. aloca hasta placa pa por paga e ambtenaar indexering.

INFRASTRUCTURA

Mirando un deterioro den nos infrastructura a aloca 7.5 miyon pa drecha esaki urgentemente!

INVERSION

E inversion di e pais aki mester wordu hisa na un nivel acceptabel di 5% di BBP y pesey mes a aloca 12.5 miyon pa inversion ja cu e gobierno aki casi no ta haciendo inversion pa por tin fruto den futuro.