Pueblo Arubano bow di e maneho di e partido MEP a siņja conoce e peor gobierno den historia di Pais Aruba caminda cu practicamente e pueblo aki a ser strangula den tur forma pa motibo di tur e aumentonan y medidanan cu e gobierno aki a haya ta bon pa implementa ariba lomba di e pueblo aki y mas ainda ta inaceptable pa e forma con e gobierno aki ta laga terquiedad vence ariba interes di e pueblo aki sin piedad si nos mira cuanto problemanan creciente nos pueblo ta confrontando pa motibo di un mal gobernacion.

AUMENTO DI PRIJSNAN

No obstante e avalanchanan di promesa cu e gobierno aki a haci na e pueblo aki awe nos pueblo ta e testigo principal cu no por mas y cu bida bow di maneho di e gobierno aki pais Aruba a para bira un pais impagable y sin un solucion y aki nos ta referi na e tantisimo aumentonan cu e gobierno aki a haya ta bon pa implementa ariba e pueblo aki y tur esaki pa un gobierno cu a genera mas placa compara cu tur otro gobierno pero tur esakinan ta simplemente pa e fiesta di friends and family por sigui mientras cu e pueblo mes ta ser hundi mas y mas den man di e gobierno di e partido MEP.

SERLIMAR LO TA OTRO MEDIDA

Apesar cu e gobierno aki ta e gobierno di Aruba cu a ricibi mas entrada cu cualkier otro gobierno awe pueblo un biaha mas ta bay encontra mas medida na man di e gobernantenan cu a percura pa masacra e pueblo aki cu medida pasobra un biaha mas e pueblo di Aruba ta bay encontra cu mas medida na man di e gobierno aki y e biaha aki ta bay ta SERLIMAR caminda cu lo bay cobra pa recohe sushi y segun informacion ta bay cobra Afl 40 mensual y tur esaki ta debi cu na SERLIMAR tambe e gobierno aki a crea un buraco di 19 miyon florin na momento cu a opta pa cambia e posicion di e departamento aki y awe pueblo atrobe mester bay paga Afl 40.= tur fin di luna pa recohe sushi.

AZV MAS MEDIDA

AZV ta cargando un deficit di 30 miyon florin y awor e mesun gobierno aki kier primi e pueblo aki un biaha mas pasobra tur cos ta indica segun cifranan pa otro anja 2009 AZV lo bay tin un deficit entre 38 pa 40 miyon florin y aki tambe ta pasobra no tabata tin un maneho benificioso pa pueblo pasobra aki tambe ta bay impone mas medida ariba e pueblo cu lo ta sea cu pueblo ta bay paga su ( eiegen bijdrage ) of lo bin cu e cuchuiw como solucion con ta bay corta e pakete di atencion medico pa un y tur siendo cu ta e gobierno aki a primnti cu den e promer 90 dia di nan gobernacion lo percura pa reduci e pago di prima di AZV pero aki tambe ta mustra bon cla cu ta palabranan manera manteca cu ta cambia color na momento cu candela coy su curpa mientras salud di nos hendenan ta keda ser neglisha pa falta di conocimento di maneho

KIKO TA E INTERES DI E GOBIERNO AKI

Pregunta grandi lo ta kiko ta e interes di e gobernantenan aki anto si ta obvio cu nos situacion ta empeorando ariba nos pais y mas ainda no tin ningun indicacion cu nos lo conoce un solucion por lo pronto anto pregunta lo ta kiko ta haci cu e gobernantenan aki no por realisa e danjo grandisimo cu nan ta causando pa nos pais mientras tin hendenan cla para pa trece solucionan abase di visionan productivo cu lo crea oportunidadnan cu lo faborece e pueblo aki compara cu e situacion desastrozo cu e pueblo ta bibando pa e ultimo 7 anjanan caminda cu e interes propio y terquiedad ta vence ariba e interes di e pueblo serca e gobernantenan aki.