Nos pais a conose un inflación di 10.2. % locual ta dobbel di un pais grandi manera Merca. No tin ningun otro conclusión matematico cu ta e introducción di BBO. Central Bureau Statitiek a publica recientemente na januari ultimo un rapport devastador pa Gobierno cu ta mustra e cifranan alarmante di inflación. Minister Nilo Swaen, cu ta encarga cu e cartera di finansas di Aruba, a declara recientemente cu no ta e BBO ta causante di e inflación cu ta asotando nos comunidad.

Un biaha mas y mescos cu na 2006, Ministro Swaen ta wordo desemascara caminda cu 2006 e a nenga cu BBO tin un efecto comulativo y después e mes a haye ta admiti pa motibo di no por a sconde esaki mas pa pueblo di Aruba y awor ta IMF, cu ta un instituto internacional monetario den su rapport ta splica e berdad y realidad cu ta e BBO ta e causante primordial di e inflación monstrusoso na Aruba.

Na Sur America un inflación similar a causa un pobresa grandi, a destrui e clase mediano y a kibra confiansa di inversionistanan.

Ora nos ta papia di un inflación grandi nos por tradusi esaki na:

Si no elimina e BBO, cada bes cu tin aumento den exterior e efecto multiplicador di BBO lo keda tin e efecto doloroso. Fraccion di AVP den parlamento a presenta un presupuesto alternativo caminda e ta mustra cu cifras con por hiba un maneho financiero responsabel cu ta habri caminda pa kita e BBO, trese alivio pa e pueblo di Aruba y hasi invercion pa un mihor cálidad di bida.

Partido AVP tin e compromiso cu pueblo di Aruba pa no solamente e mehoracion di e calidad di bida di nos consiudadanonan pero tambe cumpli cu e prioridanan di e pueblo cualnan Gabinete Oduber 3 y 4 a bagatelisa y a menosprecia.