Lesa version na Hulandes

8 maart ta dia International di hende muher y nos mester recorda y gradici tur e hende muhernan balente cu a lucha den siglonan pasa, cu awe nos hende muhernan ta wordo reconosi y balora pa loke nan ta den nan capacidad y talento sin distingui den sexo.

Maske tur dia ta dia di nos como hende muher, 8 di maart ta dia cu a wordo reconosi internationalmente como "dia di hende muher".

E hende muher a lucha pa su capacidad wordo reconosi como profesional y pa tur loke nan a traha pe y awe nos comunidad por ta orguyoso di tin hende muhernan capacita den tur ramo di trabao. Nos kier gradici tambe nos generacionnan anterior cu nos tawatin hende muhernan balente y cu karakter e.o. nos bisawelanan, nos welanan y nos mamanan pa e pasenshi pa guia nos den e bon caminda.

Hopi pabien na nos hende muhernan den nos comunidad cu alavez ta mama y hopi biaha tata tambe. Abo hende muher cu tur dia ta lanta y lucha pa bo y bo famia hanja un mihor porvenir. Abo hende muher cu hopi biaha ta laga bo mes na ultimo lugar pa bo jiunan y bo famia hanja mihor y ta felis. Abo hende muher cu ta sacrifica hopi biaha bo mes sonjonan pa bo jiunan y bo famia logra nan sonjonan. Abo hopi biaha cu ta lucha pa bo y bo famia tin pa come riba mesa. Abo hende muher cu tin cu pensa tur dia con pa bo famia sobrebibi. Abo hende muher cu hopi biaha ta wordo maltrata fisicamente y mentalmente y hopi biaha tin cu core pa su bida.

Hende muhernan Pabien riba nos dia y ban sigi demostra tur dia cu nos por y nos ta bai logra tur nos metanan cu Dios su poder! Sea positivo y nos tur lo logra! PABIEN!!