Pa medio di e comunicado di prensa aki mi kier a felicita tur hende muher riba e dia aki y alabes inspiranan pa sigui cu e lucha pa adelanto di nos hende muher. Den un mundo cu ta cambiando cu pasonan rapido ta hopi importante pa nos sinja di pasado y tuma esaki y sigui cu pasonan grandi padilanti.

No tin mester di recorda nos hendenan den cuanto nos hende muher mester a pasa pa e dia aki bira un realidad. Y no e dia aki so pero henter anja. Den pasado tawata asina cu hende muher a cana un pasa patras di hende homber. Ya awe nos a hasi un 'Inhaal' grandi pa para banda di hende homber na pia di trabou y den hopi caso ya caba nos ta pasandonan.

Pues tin espacio pa mas.

Y mi preocupacion mas grandi awor ta ora nos caba nos ' Inhaal' ainda tin trabou pa hasi. Pasobra ta parce cu nos hobenan masculino ta kedando atras pa loke ta educacion. E universidadnan mundialmente tin un 70 % di hende muher y solamente 30% di hende homber.Hasta den e universidadnan ecnico tin un infiltracion grandi di hende muher.

Esaki nos no por a premira ora nos a cuminsa nos lucha tantyo anja pasa. Pero esey no kier meen cu nos ta keda man crusa laga esaki bai.

Mescos cu tawata importante pa nos lucha pa ta partner igual den tur aspecto awor aki tambe nos lo lucha pa nos hende homber no keda atras. No ta combini un mundo caminda cu tin desigualdad entre homber muher ni antes ni awor. Pues nos lo ta e promenan pa promove cu nos hoben masculino sigui studia y pa nan tambe tin den nan poder un diploma riba nivel universitario. No por otro.

Diasabra ora nos ta celebra nos dia nos como mama. tanta wela tambe lo percura pa nos duna inspiracion no solamente na nos sernan femenino pero tambe na nos hobenan masculino pa nan lucha pa bai dilanti. Pa nan tambe studia pa nan por yega un nivel di estudio mas halto cu tin.

Ora den un hogar tin mayornan cu tin un estudio halto ta mas cu claro cu nan lo inspira nan yuinan pa hasi mescos. Y si den un cas esaki no ta e caso anto mester tin suficiente inspiracion for di e comunidad pa e hobenan no cai atras y sigui un estudio riba nivel universitario.

Pues un Pabien grandi pa henter e comunidad riba nos dia y cu tur hende muher celebra esaki na nan manera special.