No ta un secreto cu ya for di anja 2001 partido MEP a inicia cu un campanja baho y sushi di enganja nos pueblo cu ora nan drenta gobernacion nan lo laga investiga esnan cu di un of otro manera tawata vincula cu e proyecto di FDSN y na unda riba dje a enganja nos pueblo cu 50 miyon florin a wordo horta!

Anja 2005 a bolter na unda mester a buska un otro cabay di campanja pa enganja pueblo atrobe y aki a bini cu e enganjo cu pronto lo laga cera esnan cu tawata vincula cu e proyecto FDSN, pa asina convence nos pueblo cu corupcion a tuma lugar ! E parlamentario ta enfatisa cu danki na nos Creador cu te ainda nos tin un sistema judicial, un estado di derecho cu nos por depende y confia den dje, mirando e hecho cu bao di e gobernacion di Gabinete Oduber, hopi ta e institutonan y instancianan cu a cay den un deterioro y no ta hasi nan tareanan manera prescribi segun nos leynan y constitucion vigente, debi na e temor pa e herodesnan (persiguidornan) cu tin como solo meta di caba cu esnan cu no ta di opinion cu nan! Danki atrobe na nos Creador cu nos instituto di Jueznan imparcial ta wordo nombra door di La Reina pa bida, no ta wordo sucumbi of intimida pa caprichonan di venganza di Gobernantenan

E parlamentario ta sigui bisa fuera pa persegui nan contrincantenan politico, a mira e oportunidad monstruoso di ranca placa di pueblo pa asina sigui cu e fiesta di favorece friends and family’, y den e caso specifico aki un abogado cu pueblo ya conoce bon caba! E parlamentario ta sigui elabora cu mirando e embargadura di e castigonan pidi pa Fiscal y tambe e sentencianan di Huez compara esakinan cu locual cu Gobierno a paga na e abogado aki, pueblo cu un tiki di pensamento logica por conclui cu aki simplente e Gobierno aki ta uno destructivo y cu aki pueblo por a tuma nota cu ningun momento Fiscal y e Huez no a siquiera menciona ningun momento cu placa a wordo horta for di e FDSN, corda di e suma fantasma di 50 miyon inventa pa e herodesnan (Gobernantenan y comishon di Berdad)! Ken a Sali gana? Mas cu claro e abogado persiguidor cu ta wordo paga cu placa di pueblo ta esun cu a sali gana, pasobra esnan cu a hanja vrijspraak a wordo maltrata y persigui pa anjanan largo na unda for di nan propio saco mester a paga sumanan halto na abogado pa defende nan inocencia. Y sin conta e maltrato mental cu esaki a causa na anan y nan familia durante tur e anjan di pesecucion y di otro banda Gobernantenan cu durante e anjanan cu e ferviente deseo di laga cera contricantenan politico no a mira nan sonjo bira realidad!

E parlamentario ta enfatisa cu e otro perdedor principal den full e trayectoria di persecusion politico diparti di e Gobierno aki ta e PUEBLO!!! Cuanto ta e miyonesnan cu a wordo paga na e abogado aki cu por a wordo inverti den nos schoolnan, nos infrastructura, den nos departamento social pa esnan di menos recurso etc.etc.! Fuera di tur e miyonesnan cu ta wordo paga caba na e abogado aki na huurmento di edificionan, esaki no ta suficiente y mas cu claro por medio di e persecusion politico mester sigui llena e saco di e abogado aki. No ta pornada cu un sonrisa riba su cara e la opta pa bay Hoger Beroep (Corte Superior) pa asina continua cu e fiesta ya cu ta cu placa di Pueblo e casonan aki mester wordo paga, cu bendicion di Gobierno, e parlamentario ta termina.