|
|
|
JOHN V.D. BIEZEN, Miembro di AVP |
|
|
|
ALGUN PREGUNTA NA PROME MINISTER DI ARUBA, |
|
SR.NELSON ODUBER. |
|
|
Home >
Centro di Prensa > Noticia
> 20080327 |
|
|
|
|
 Mirando y scuchando e ultimo desaroyonan tocante di expresionan provocador cu Prome Minister di Aruba, Sr. Nelson Oduber a hasi algun dianan atrás durante e período di manifestación pa indexering di e empleadonan publico y di e empleadonan di fundacionan y expresionan hasi tambe durante e periodo di detencion di ruman di Minister di Justicia, Sr. Hendrik Croes ta surgi varios pregunta. |
|
Declarcionan radial door di Prome Minister, Sr Nelson Oduber, cu a ser graba y ta bisa palabranan manera: -Yamada na militancia di MEP y militancia 77 pa contra aresta e accionan di e empleadonan publiconan
- E declaracion di Prome Minister caminda ta declara cu e no lo ta responsabel pa cosnan cu lo bai tuma lugar después cu e a hasi e yamada ariba militancia di MEP. |
|
|
|
A rais di e declaracionan provocativo e instigador cu Sr. Oduber a pronuncia na algun medionan di comunicacion ta surgi algun preguntanan cu lo ta bon pa Sr. Oduber , como Prome Minister di un pais, por responsabilsa su mes y splica e comunidad di Aruba e intencionan tras di e palabranan cu hopi ciudadano nan a scucha.
Preguntanan ta surgi manera: |
|
|
|
1 |
|
Sr. Minister sa cu a hasi su mes sospechoso di kibramento di ley, specificamente e artikel di opruiing (instigacion) di Wetboek van Strafrecht van Aruba |
|
|
|
|
|
2 |
|
Sr. Minister sa di e consecuencia tras di e palabranan pa sugeri na un manera obvio pa lanta simpatisantenan y siguidornan di un partido pa confronta empleadonan publico cu ta luchando pa un adaptación hustu di nan salario mirando e costo di bida cresiente, gran parti pa motibo di introducción di medidana y e BBO door di e propio Gabinete Oduber? |
|
|
|
|
|
3 |
|
Sr. Minister no por a ripara cu por a provoca un guerra civil y cu hasta bida nan humano por a wordo afecta pa motibo di declaracionan asina? |
|
|
|
|
|
4 |
|
E mentalidad aki Prome Minister di Aruba ta desea pa e hobenan hereda y tin como ehempel? |
|
|
|
|
|
5 |
|
Sr. Minister sa cu e declaracionan asina no ta sirbi interes general, sino cu ta vehiculonon cu ta hiba un pueblo pa biba den dicuscion y división cu otro? |
|
|
|
|
|
6 |
|
Sr. Minister no ta ripara cu e declaracionan asina, cu ta resultado di arrogancia y orguyo no ta contribui na bienestar di Aruba? |
|
|
|
|
|
7 |
|
Na momento cu Sr Hendrik Croes, ruman di Minister di Justicia a ser aresta den un incidente na Paradera, Minister Rudy Croes a expresa públicamente cu si su ruman no sali liber cu cosnan grandi lo pasa na Aruba caminda corto tempo después e veld di WELA cu ta ser usa door di polisnan pa practica di tiro a ser sendi na candela.
E pregunta ta: Sr. Minister Oduber a puntra su colega, Sr. Rudy Croes su intencion trás di su palabranan of ta difícil pa hasi esaki pa motibo cu Minister su próprio comentarionan y declaracionan tambe tabata comprometedor e instigante? |
|
|
|
|
|
8 |
|
Pa caul motibo Sr. Oduber no por splica e pueblo e berdad tocante e forma di pago di compensación di un solo biaha , cu esaki lo no yuda e trahador publico den futuro pa su pensioen y ta sigui mantene e pueblo leuw di e realidad? |
|
|
|
|
|
9 |
|
Cual ta e motibo pa usa medionan di comunicación pa instiga contra e empleado publico y e trahadornan di fundacionan tildando nan di tin salarionan grandi, mientras cu hopi di e trahadornan tin un entrada abouw? |
|
|
|
|
|
10 |
|
Sr. Minister a lubida e hecho cu orden publico y seguridad di e pais ta su responsabildad y cu expresando e palabranan cu Sr. Minister a expresa por trese e orden publico y e seguridad di un pais na peliger? |
|
|
|
|
Pueblo di Aruba ta keda den espera di splicacionan convincente di e actitud di Prome Minister cu por a condusi na confrontacionan, desgracianan of un guera civil. |
|
|
|
Sr. Minister no mester lubida cu interes y seguridad di un pais mester prevalece ariba interes y orguyo personal e ineteres di un partido politico. |
|
|
|
|
|
|
|
|
|
|
|
|
|
|
top |
|
|
