No por compronde un Promer Minister cu no tin respet debida pa nos alumnonan. Diabuebs pasa ora e studiantenan di Maria College y La Salle College a bai entrega un manifesto pa nos Prome Minister, Minister di Ensenansa y na Gobernador mi a keda hopi sorprendi di e reaccion di nos prome minister. Tur caminda na mundo y specialmente aki na Aruba nos ta bogando pa nos hobenan tin mas voz. Nos ta bogando pa nos hubentud ta mas envolvi den asuntonan di nan pais.. Y pa bo ta envolvi den asuntonan di bo pais bo ta cuminsa caminda cu tin problema directamento den bo ambiente. Den e caso aki na bo scol.

Cu tur nan razon e alumnonan a subi caya pa reclama e manera cu nan tin cu haya les. Cu tur razon nan a bai reclama debidamente na e minister concerni. Ta esaki ta loke nos kier mira nos hobenan interesa y hasiendo loke mester pa busca nan derecho. Ta un derecho pa muchanan haya educacion. Y e caminda pa nan haya educacion, specialmente na nos pais caminda nos GDP ta asina halto. Caminda cu gobierno tur dia ta gaba cu nos economia ta bayendo hopi bon Nos tur por mira e propagandanan na Television di un gabinete Oduber cu ta bisa cu nos Fitch Rating a mehora cu ISF ta contento cu e manera cu gobierno a atende cu nos finansas y cu nos economia ta den bon caminda.

Si nos mester kere e gobierno aki anto e prome caminda cu mester inverti e placa extra aki ta den nos educacion. Duna e empleadonan cu dia den dia fo mester bringa cu nos hobenan pa nan haya un educacion adecuado loke nan merece. Drecha e scolnan caminda nos alumnonan mester haya les. No bai reclama e studiantenan di cosnan cu no tin nada di haber cu nan. Si studiantenan kier bin na gobierno pa reclama cu e klas ta haya onvoldoende kiko nos prome minister por hasi. Nan a bin reclama loke si nos prome por yuda cune pasobra a propaganda cu e placa tey.

Muchanan ta en buesca di role models positivo y den e caso aki nos prome minister a haya un dikke nul. No ta cu politico e tawata papia. Na un manera hopi bruto nos prome minister a purba di kibra e democracia cu nos hobenan a desplega.

Si bo mes como prome minister a hasi uso di e democracia cu nos ta bibando aden y bo ta propaganda den tur skina di Aruba cu Aruba ta un pais democratico abo como prome minster ta e prome yama pa defende esaki. Ora e alumnonan a yega no ansha. No waak spiritu tur caminda. Duna cesar loke ta di Cesar. Esaki ta e hubentud cu mester maneha e pais aki den futuro. Ta asina nan mester hiba nan asuntonan. NAN NO A HASI NADA ROBEZ PA MERECE E PALABRANAN BRUTO CU NOS PROME MINSTER A LANSA DEN NAN DIRECCION. Y CU NAN RAZON A A BOO SR. ODUBER.

No pasobra tin dificultadnan otro caminda mester baha rabia riba esnan inocente. Pesey bo ta prome minster. Maintain POSTURE at all times. Imaginabo ami ta sinja e hobenan den mi grupo esaki tur dia. Y net ora bo ta kere cu bo ta yega un caminda cu nos hobenan bo ta haya un dignitario ta kibra un golden rule den tur disiplina. Foer Sr. Oduber. Mi ta spera cu nos prome minister tin e grandeza di disculpa su mes na nos hubentud pa e manera cu ela actua y papia siman pasa. Ta lo menos cu nos ta spera di dje.