Den e anja presupuestario 2007 Pais Aruba a sufri un perdida extrapresupuestario di Afl. 25.4 mln for di e Fondo di AZV. Pa 2007 a presupuesta un déficit di Afl. 4.9 mln, sinembargo a realisa un déficit di Afl. 30.3 mln. E déficit en cuestion ta surgi entre otro for di gastonan extra di alrededor di Afl. 21.5 mln, y entradanan no realisa procedente di prima di AZV di alrededor di Afl. 12.8 mln, según e jaarrekening 2007 di AZV. E hecho cu e déficit ta ser aangemeld te dia 28 november 2007 na Minister di Finansas, y cu pa un parti relevante –según Jaarrekeing 2007 di AZV - ta ser causa pa primanan di AZV cu no a ser realisa, ta trece duda den e verantwoordingsketen relata na e Fondo di AZV y den e maneho, efectividad y control financiero di Minister di Finansas cu e meta pa sirbi interes financiero di Pais Aruba. A la ves ta trece duda den un functionamento responsabel y profesional di e actornan relevante den cuadro di e Fondo di AZV, cu e meta pa sirbi interes di Pais Aruba.

Hasiendo uso di e derecho como miembro di Parlamento, señor drs. Rendolf A. (Andy) Lee tin e siguiente preguntanan na Minister di Finansas y Asuntonan Economico, señor N.J.J. Swaen, Bac, segun articulo III.17 di nos Constitucion y segun articulo 59 di Reglamento di Orden di Staten di Aruba, cu e peticion pa hanja contesta mas pronto posibel for di e minister aki den un vragenuur.

Den medionan di comunicación Minister a crea e impresión fuerte di no tabata na haltura di e magnitud di e saldo den e Fondo di AZV pa 2007. Frapante ta cu e saldo ta pa un parti importante – según e jaarrekeing 2007 di AZV - e resultado no-realisacion di prima di AZV over 2007 na balor di Afl. 12.8 mln. Esaki ta representa 7 porciento di suma di prima cu a ser presupuesta. Minister di Finansas ta esun responsabel pa recogemento di primanan di AZV. Minister por a informa Staten na ki momento el a ser informa di e retrasonan den recogemento di prima pa AZV? Minister por a informa Staten si e ta monitor regularmente entradanan di Pais Aruba – entre cual e primanan, y cu ki frequencia e ta hasi esaki? Fabor di indica dicon, si e ta monitor entradanan di Pais Aruba, e mes no a cai ariba e retraso den recogemento di prima di AZV?

Den e aanmeldingsbrief tekort AZV over 2007 di e director di AZV, fecha 28 november 2008, kenmerk 07/1080, e director ta menciona diferente knelpunten cu a conduci na e tegenvallende premieopbrengsten. Den dicho carta e ta menciona cu desde december 2006 a trata na diferente ocacion e problemática di BBO (Afl 2.5 mln) cu SIAD, mientras cu na diferente ocacion durante 2007 a trata cu SIAD e retraso den entradanan procedente di prima (Afl 5 mln). Hasta ta menciona cu a meld aan e knelpunten aki na Minister di Finansas y na Minister di Salubridad Publico, como cu e informatievoorziening for di SIAD pa AZV tabata deficiente. Minister mes ya caba tabata na haltura di e tegenvallende premieopbrengsten di AZV, of ta mediante AZV Minister a ser poni na haltura di e knelpunten aki? Pa ki motibo Minister no a actua mas tempran pa juda remedia e knelpunten menciona, considerando cu ta toca competencia di su Ministerio?

Minister di Salubridad publico ta menciona den su Memorie van Antwoord, fecha 4 juni 2007, ariba pregunanan di Staten encuanto tratamento di Presupuesto 2007 di su Ministerio, cu e invoering di BBO na januari 2007 lo tin efectonan negativo ariba premieopbrengsten AZV den 2007 pa motibo di verlaging di e premiegrondslag. Por conclui cu desde promer mitar di 2007 tabata conoci caba den seno Gubernamental cu lo no bai realisa e premieopbrengsten AZV cu a presupuesta. Conhunto cu e hecho cu Uitvoeringsorgaan AZV ta indica den su aanmeldingsbrief tekort AZV (28 november 2007) di a informa Minister di Finansas y Minister di Salubridad Publico mas tempran den e anja di knelpunten cu ta confrontando den e recogemento di prima di AZV, ta trece e pregunta cu si Minster di Salubridad Publico y Minister di Finansas, tabata na haltura hopi mas tempran den 2007 di desaroyonan negativo den e saldo di e Fondo di AZV. E pregunta central lo ta dicon no a actua mas tempran pa minimalisa e perdida financiero pa Pais Aruba. E carta di AZV di dia 28 november 2007 ta duna fuerte indicacion cu tur esfuerzo durante 2007 pa remedia e problemática di tegenvallende premieopbrengsten no a duna resultado positivo te na momento di aanmelding di e deficit di AZV, resultando den no-realisacion di Afl. 12.8 mln na premieopbrengsten.

E hechonan aki ta crea un impresión fuerte cu Minister di Finansas, bou di kende ta cay e competencia pa recogemento di prima di AZV, y Minister di Salubridad Publico, tabata hopi negligente pa actua na tempo y minimalisa e problemática di tegenvallende premieopbrengsten AZV. Apesar cu den seno di Gobierno tabata conocir desde juni 2007 cu e premieopbrengsten di AZV lo no ser realisa, Minister di Finansas den su carta pa Staten di 6 maart 2008, bou number A-163, ta confirma cu no por a hasi nada mas na e situacion debi na e aanmeldingstijdstip laat den 2007. Sin embargo, na momento cu Minister di Salubridad sigur desde mei 2007 tabata na haltura di e tegenvallende premieopbrengsten, ta crea suficiente oportunidad y espacio pa resolve maske ta un parti di e problema mediante un Nota van Wijziging den e Concepto di Ley di Presupuesto 2007 di e Ministerio di Salubridad, cual a ser trata despues. Na banda, Minister di Finansas tabatin suficiente tempo desde juni 2007 pa a interveni den e problemática di tegenvallende premieopbrengsten AZV y percura pa esaki tuma lugar den 2007 ainda. Minister por a informa Staten si su colega di Salubridad a informe promer cu november 2007 di e tegenvallende premieopbrengsten di AZV, y na ki momento esaki a sosode? Dicon, mientras e situacion tabata permiti, no a cuminsa na reslove parti di e problema di deficit di AZV ya caba den presupuesto 2007 di e Ministerio di Salubridad? Minister por a splica Staten dicon e mes no a tuma iniciativa mas tempran den 2007 pa intermedia den e asunto di tegenvallende premieopbrengsten, mirando cu SIAD ta cai bou di su competencia? Den caso cu el a intermedia, fabor di duna prueba di esaki.

E Uitvoeringsorgaan AZV a informa Minister schriftelijk dia 28 november 2007 di e magnitud di e déficit di AZV over di mes un anja. Den caso cu su colega di Salubridad no a inform’e mas tempran, Minister por a confirma na Staten, cu previo na e aanmelding aki, e no tabata na haltura di e desaroyo financiero den e Fondo di AZV pa 2007? Si Minister ya caba tabata na haltura di e desaroyo financiero den e Fondo di AZV pa 2007, fabor di indica desde ki tempo e tabata na haltura di desaroyonan negativo di e saldo di e Fondo di AZV over di 2007 y ta kende a inform’e di e situacion.

E hecho cu Uitvoeringsorgaan AZV a meldt aan e deficit mucho laat den 2007 no ta absolve Minister di Finansas di su responsabilidad pa maneha y beheer e fondonan publico di Pais Aruba debidamente. E record den deficit anual di AZV y e magnitud inespera di e deficit di AZV pa 2007 ta demonstra claramente e impacto cu AZV tin ariba finansas publicas di Pais Aruba y e importancia pa sigui su desaroyo hopi di serca. Entre januari 2007 pa oktober 2007, Minister a tuma e molester di monitor of puntra pa desaroyo di e situacion financiero di e Fondo di AZV? Den caso cu Minister a puntra pa e desaroyo financiero den e Fondo di AZV, ki fecha(nan) el a hasi pregunta, kende el a puntra y cual contesta(nan) el a hanja? Fabor di comparti copia di e contestanan cu Staten. Den caso cu Minister no a puntra pa e situacion financiero di AZV, fabor di responsabilisa y aclarea su forma di proceder.

Minister por a responsabilisa na Staten e forma con el a bini ta monitor e situacion financiero di e Fondo di AZV durante e ultimo anjanan, pa hanja un bista di e impacto cu desaroyonan den e fondo aki por tin ariba finansas publicas di Aruba? Cual tabata su conclusion pa cu 2007 di e risiconan di impacto negativo di e saldo den e Fondo di AZV pa cu finansas publicas di Aruba? Na ki momento el a hanja indicacionnan diferente di e saldo 2007 den e Fondo di AZV y pa cuminsa prepara pa su impacto ariba fiansas publicas?

Den e Jaarrekening 2007 di AZV a indica claramente cu un parti relevante di e deficit ta debi na entradanan presupuesta di prima di AZV cu no a ser realisa. Esaki kier meen cu tin un suma di alrededor di Afl. 5 mln na prima di AZV riba caya, cual no a ser recogi durante 2007. E expectativa ta cu e suma aki lo ser recogi den transcusro di 2008, motibo pa cual ta pidi hustificacion di Minister di Finansas pakiko ta accepta dicho suma como parti di deficit structural di AZV y no como problema di liquidez?

For di evidencia den documentonan cu a ser presenta na Staten por conclui cu Uitvoeringsorgaan AZV a meld aan e tekort 2007 di AZV dia 28 november 2007, conforme articulo 38r lid1 di Ley di AZV. Di e forma aki Minister ta hanja su mes dilanti di un “voldongen feit” y mester a fia un suma extrapresupuestario di Afl. 30.3 mln pa cubri e deficit di AZV. Minister ta considera e forma di proceder aki uno responsabel for di punto di bista di finansas publicas di Pais Aruba? Minister ta di opinion cu interes di Pais Aruba ta ser bon sirbi cu e forma di proceder aki, caminda Gobierno ta ser informa na final di anja di un desviacion di e magnitud aki den e deficit di AZV, sin cu Gobierno a sikiera a hanja e oportunidad pa actua pa minimalisa e deficit en cuestion? Minister ta aproba e forma di proceder aki, considerando e impresión cu e mes a crea di ta sorprendi cu e deficit di Afl. 30.3 mln? Fabor di splica su posicion. Minister di un forma of otro a forma parti di e forma di proceder di Uitvoeringsorgaan AZV pa meld aan e defict di AZV te 28 november 2007? Considerando cu di tempran den anja 2007 tabata conocir pa AZV y pa Gobierno cu lo no realisa por completo e suma presupuesta na prima di AZV, y cu e costonan di gastonan medico ta aumentando, Minister no ta hanja tabata na su lugar pa Uitvoeringsorgaan AZV a meld aan mas tempran e dreiging di liquiditeits of structureel tekort den e fondo di AZV manera articulo 38q lid 1 y articulo 38r lid 1 di Ley di AZV ta prescribi? Fabor di hustifica su posicion.

Documentacion disponibel ta duna indicacion fuerte cu Gobierno, en particular Minister di Salubridad y Minister di Finansas sigur desde mei 2007, tabata debidamente na haltura di e desaroyo financiero den e Fondo di AZV, of mester por tabata na haltura di e situacion aki si a hasi nan trabou debidamente. Mes un evidencia ta duna fuerte indicacion cu Minister di Finansas y Minister di Salubridad tabata hopi negligente den interveni den e problemática di retraso den recogemento di prima di AZV, causando danjo innecesario na interes financiero di Pais Aruba y perhudicando e meta di realisacion di un balanced budget. E evidencia ta pinta un keten di grove nalatigheid for di Uitvoeringsorgaan AZV cu no a meld aan e deficit 2007 imediatamente conforme articulo 38q lid 1 y articulo 38r lid 1 di Ley di AZV , pa Raad van Commissarissen cu no a cumpli debidamente cu su tarea di toezicht den interes di Land Aruba tambe, te na Minister di Salubridad y Minister di Finansas cu no a actua debidamente mientras tabata al tanto di e situacion. Minister por a splica su posicion pasivo pa cu e problemática di tegenvallende premieopbrengsten pa 2007? Minister por a splica Staten pakiko el a tolera y accepta cu un deficit extraperupuestario di Afl. 25.4 mln ta ser presenta na final di anja 2007, mientras cu di tempran tabata na haltura di esaki, pa djis despues paga esaki for di fondonan publico? Fabor di responsabilisa su posicion negligente pa cu e forma di proceder di den e asunto di tegenvallende premieopbrengsten di AZV, sin cu el a hasi uso di instrumentonan legal na su disposicion pa minimalisa e perdida pa Pais Aruba.

Minister por a informa Staten den ki forma e actornan relevante pa cu e Fondo di AZV a cambia nan forma di intercambio di informacion y nan forma di cooperacion, pa evita repeticion di un situacion di deficit semehante na esun den 2007? Minister por a informa Staten cuanto e deficit presupuesta di e Fondo di AZV ta pa 2008, y si tin indicacion a base di e cifranan disponibel pa promer lunanan di 2008, cu e deficit real pa 2008 di e Fondo di AZV lo por desvia di esaki? Minister por a duna Staten un copia di rapportahe regular di AZV pa Minister di Finansas pa e promer lunanan di 2008?