|
Mike Eman na Nel Oduber |
|
|
|
TA INHUSTO PA APLICA NO WORK NO PAY DEN E CASO AKI |
|
|
Gobierno mes ta negligente y intrasigente ! |
|
|
Home >
Centro di Prensa > Noticia
> 20080422c |
|
|
Lesa
Preguntanan
  |
|
|
|
Lider di Fraccion di AVP, mr. Mike Eman den un serie di pregunta na Promer Minister Nel Oduber ta cuestiona e hecho cu Gobierno kier aplica e principio di “no work no pay” sin meciricordia. |
|
|
|
 Eman ta puntra Oduber si Gobierno di Aruba no ta mira cu gobierno tin cu tuma e siguiente puntonan seriamente na concideracion ora di tuma un posicion pa cu e dianan cu tabata tin welga: cu awe tin un welga pa “indexering” ta pa motibo cu gobierno a keda 7 anja largo sin paga indexering; cu Gobierno no a responde riba peticion riba un cantidad di peticion di sindicatonan pa reuni riba “indexering” promer cu e welga a inicia; cu gobierno durante di e welga na hopi ocasion a tuma un posicion cu no a juda pa yega na un resolucion positivo di e conflicto laboral; cu den su veredictonan huez a mustra diferente vez cu no por bisa cu esnan den accion no a purba di yega na un solucion na mesa; cu gobierno tin un responsabilidad importante di ehempel ora na yega di mustra tambe con mester duna contenido na e relacion entre donjo di trabao y empleado. |
|
|
|
Eman ta puntra si Gobierno di Aruba por compronde cu si un doño di trabao kita un suma grandi di salario di e trahador, cu e trahador ey ta bin den dificultad grandi pa cumpli cu su debernan financiero di luna? Tambe ta puntra si Gobierno di Aruba ta di opinion cu lagando un trahador sin un gran parti di su entrada, mientras cu e ta den bo servicio y lo keda den servicio tambe despues di e welga, ta un acto cu por worde considera como inhumano y cu ta en pugna di e espirito di e Tratadonan di ESH y tambe di ILO? Gobierno di Aruba no ta comparti e opinion cu como un bon dunador di trabao, cu semper mester tene e bienestar di su trahadornan na bista, gobierno mester evita di hinca un trahador den un situacion penoso asina? |
|
|
|
Tambe e lider di AVP ta puntra si Gobierno di Aruba ta na altura cu den pasado semper e asunto di dianan di welga cu mester a worde kita for di trahadornan, semper a keda regla na un manera satisfactorio después cu a jega na un acuerdo ? Eman ta puntra si no ta conoci serca Gobierno di Aruba cu den pasado a keda sin kita e dianan di welga of kitamento di placa di e dianan di welga a worde parti riba diferente lunanan, ta worde compensa cu dianan di vakantie, cu oranan di overtime traha of cu dianan di ATV y te hasta a yega di wordo compensa cu oranan extra pa “haal in” e trabaonan atrasa? Gobierno no ta haya cu reconocemento di e derecho di welga ta ensera tambe cu mester tin un comprension sincero pa e manera cu kitamento di e dianan di welga mester tuma lugar? |
|
|
|
Tambe ta puntra si Gobierno di Aruba ta conciente cu Landsverordening materieel ambtenarenrecht(LMA) den articulo 111 ta stipula cu no por retene mas cu ½ di e bezoldiging y cu art. 114 inciso 1 ta stipula cu e salario di un empleado publico por worde reduci cu solamente 1/3 parti. Asina cu si e mitar di locual mester wordo reten eta mas cu 1/3 parti di e bezoldiging a jega e limite di e retencionan ? Gobierno di Aruba no ta di opinion cu encaso ta retene ariba e bezoldiging tin cu tene cuenta cu e “overuren” di diferente trahadornan manera juez a remarca den e sentencia di diabierna ultimo ? Gobierno di Aruba no ta di opinión cu e trahadornan mester tin e posibilidad di cambia dianan di welga pa dianan di vakantie y ATV, pasobra nan tin derecho di disidi ariba e uso di e dianan aki ? |
|
|
|
Pa e motibonan aki e lider di AVP, mr. Mike Eman ta haya cu Promer Minister Nel Oduber no por aplica e punto di “no work no pay” den e forma cu e kier hacie. Esaki ta inhusto y ta un abuso di poder. |
|
|
|
Lesa
Preguntanan
|
|
|
top |
