|
Fundacion Instituto di Formacion Politico |
|
Digna Laclé-Herrera ta organisa: |
|
|
|
LECTURA RIBA BBO, INFLACION Y |
|
NECECIDAD PA ALIVIO |
|
|
|
Home >
Centro di Prensa > Noticia
> 20080428 |
|
|
|
|
 Dialuna awor Fundacion Digna Lacle Herrera ta organisa un lectura cu lo trata e efectonan di BBO, inflacion y e necesidad pa un avlivio di e peso cu BBO y otro medidanan ta causando.
Na Aruba, mescos cu otro paisnan den nos sercania y rond mundo, prijs di practicamente tur cos a subi. Esaki tin un factor interno y externo. Parti di inflacion ta importa, pero contrario na otro paisnan den nos region (incluyendo islanan manera Curaçao y Bonaire), Aruba a conose un inflacion hopi halto. Por constata cu e inflacion halto di Aruba tin un causa lokal cu hopi efecto riba prijsnan. Un causa interno cu ta resalta ta: BBO. E ultimo aki tabtata tin un "multiplier effect" ariba prijsnan na Aruba. |
|
|
|
E inflacion pa aña 2007 a wordo midi na 10,2%; un record den historia moderno na Aruba y tambe den nos region. Drs, Arjen Alberts lo presenta un lectura ariba e topico intresante y importante aki. Drs. Alberts su experticio ta den economia y tabata docente di economia na Universidad di Aruba y tambe ex-presidente di Fundacion Estudionan Social Cristian (FESCA). Sr. Alberts ta responsabel pa varios rapport importante di FESCA y a forma parti esencial den e renobacion cu dirigencia di AVP a duna na FESCA durante e ultimo anjanan aki. Esaki den cuadra di renovacion di politica caminda substancia vision y maneho ta un worde concidera di vital importanci. E lectura lo tuma lugar na Cas di Partido, Dialuna pa 7.30 di anochi. Tur hende ta bon bini. |
|
|
|
Den su raport titula “Parlamento di Aruba na caminda pa madures” (De Staten van Aruba op weg naar volwassenheid) e instituto cientifico FESCA a duna un empuhe pa pone henter comunidad refleha riba e funcionamento di democracia parlamentario na Aruba y pa stimula e calidad di e proceso politico, pa amplia esaki ya hasta pa trece esaki riba un nivel mas halto. |
|
|
|
Lider di AVP, mr. Mike Eman ta bisa cu momentonan importante na unda Parlamento por mustra su valides ta ora cu e ta haci uso di su dos derechonan mas importante: su derecho di presupuesto y su derecho di amienda. |
|
|
|
Na 1964 tabata prome bes cu na Hulanda un contra-presupuesto (tegenbegroting) of presupuesto-alternativa a wordo entrega. Cu entrega di e prome contra presupuesto na Aruba fraccion di partido AVP no solamente a realisa obhetivonan concreto manera hancra den su proposicionnan alternativa pa cu e presupuesto 2008, pero tambe a crea un precedente pa hisa e nivel di tratamento di presupuesto di Parlamento na unda e solides y e argumentacion substancia di e ideanan fundamental ta bin na prome lugar. Eman den cuadra aki tin elogio pa Fundacion Formacion Politico Digna Lacle-Herrera cu a dedica henter un serie di curso na miembronan di AVP y esnan cu ta interesa hustamente pa a traha riba e conocemento di finanzas publico y e relacion cu Parlamento. |
|
|
|
E siguiente serie aki di lectura y curso lo ta riba e rapportnan cu FESCA ta presenta como e caminda di cambio y renovacion pa pone Aruba riba un rumbo mihor y pa eleva politica na otro nivel. |
|
|
|
|
top |
