Atencion humanitario ta trece hende hunto

Diabierna atardi, lider di AVP, mr. Mike Eman, parlamentario Mike de Meza y drs. Paul Croes di departamento relacionnan exterior tabata tin encuentro cu Wyclef Jean, musico di origen Hatiano. Aunke cu Wyclef, manera e ta conosi artisticamente, ta un cantante di Hip Hop mundialmente reconosi, e combersacion cu esnan lider di AVP, mr. Mike Eman y miembronan di e delegacion tabata riba e tema di desaroyo di Hiati.

Wyclef ta hopi conosi y conosi rond di mundo banda di su musica pa su projecto, Yéle Haiti, cu ta un fundacion cu ta otorga beca na muchanan Hatiano cu no tin manera pa bay scol. Tambe e fundacion ta yuda di projectonan di vital importancia pa combati pobresa na su pais natal.

Wyclef Jean a nace na Croix-des-Bouquets, Haiti, y a emigra cu su famia na Brooklyn, New York tempo cu e tabata tin 9 aña, y despues pa New Jersey. Wyclef despues cu e la bira mundialmente famoso como parti di e grupo "Fugees" y depsues tambe ariba su mes na unda entre otro e la hasi un projecto cu otro artista cu tin masha interes den trabounan humanitario, Shakira. Maske cu Wyclef a goza di hopi fama mundial, nunca a lubida di unda e la bin. Mirando cu na su isla natal tin hopi pobresa, e la sinti cu e no por bira lomba pa su pais.

Lider di AVP, mr. Mike Eman tanto den su funccion como vice-presidente di Cristianan Democrata Internacional IDC, secretario adjunto area Caribe di ODCA y como Parlamentario di Aruba a tuma hopi iniciativa pa atende cu problema di pobresa y desaroyo di Haiti. Tanto cu Minister di Relacionnan Exterior di Hulanda, Maxime Verhagen, Minister di Ajudo pa Desaroyo y Co-operacion, Bert Koenders y e Minister anterior di cartera aki, Agnes van Ardenne, e lider di fraccion di AVP, mr. Mike Eman

a enfatisa den carta y reunionan pa mas atencion pa Haiti di parti di Reino Hulandes y Union Europeo. Cu miembro di Tweede Kamer pa CDA, Kathleen Ferrrier, encarga cu e topico di ajudo pa desaroyo tambe mr. Eman a traha hunto pa enfoca riba e nececidad pa solidaridad di parti di mundo pa Haiti.

Ta e esfuerso aki cu mester worde haci internacionalmente pa sostene Hiati den surpasa su retonan y projectonan cu por trece progreso y crea un desaroyo positivo tabata tema cu mr. Mike Eman y Wyclef Jean a reflecciona ariba. E e compromiso di parti di e representantenan di Aruba tabata cu lo keda duna sosten y busca via di contactonan y funcionnan cu e miembronan di AVP ta carga local y internacional formanan pa aumenta e solidaridad mundial cu Haiti. Mike Eman, de Mike de Meza y Paul Croes a expresa na Wyclef Jean tambe hopi aprecio pa su participacion na Soul Beach Festival di Aruba.

Pa mas informacion, conculta e sisuiente paginanan: