AVP - CRISTIAN DEMOCRATA ARUBA
   

Fundacion Instituto di Formacion Politico Digna Lacle-Herrera
LECTURA TOCANTE DI ENERGIA ALTERNATIVO UN EXITO

Sala di Scol di Arte na San Nicolas tabata totalmente yen.
Home > Centro di Prensa > Noticia > 20080531
 

Diasabra merdia ultimo, Fundacion Digna Laclé-Herrera di AVP a tene un lectura intresante y educativo na Scol di Arte na San Nicolas. E atardi tabat consisti di tres presentacion cu ta relata na e tema di “Energia Alternativo”. Esnan presente a keda hopi contento na final, pa motibo cu e topico actual aki a wordo maneha pa 3 orador cu hopi experticio. E prome orador tabata ing Mike de Meza cu ta un miembro di parlamento di Aruba y tambe un experto ariba e materia di energia. Siguiendo sr. de Meza, tabata un presentacion hopi intresante di ing. Elvis Tjin-a-Sjoe, cu ta minister di Economia di Antiyas. Na final ing. Leon Hamers di Poly-Technisch Inginieursburea Aruba. E interes pa e lectura aki tabata grandi cu a conduci na un sala completamente yen.
 

Prome cu e lectura mes a cuminsa e publico por a goza di un documentario cu ta trata e situacion actual di energia. Mr. Luciano Milliard, presidente di Fundacion Instituto di Formacion Politico Digna Lacle-Herrera, despues tuma palabra jamando un y tur bon bini y e la introduci e prome orador cu tabata ta miembro di parlamento di Aruba ing. Mike de Meza. E ultimo aki a bay amplio den e cuestion di crisis global di energia, e motibonan cu a trece nos na e crisis actual y tambe e bista pa futuro di e crisis. El a accentua e nesesidad pa hasi algo pa contra-aresta e situacion aki awor. “Na e momentonan aki nos no tin mucho espacio pa djies warda kiko lo pasa, esun cu para un banda y warda ta cometiendo un crimen,” segun ing. De Meza. E la trece dilanti un cantidad di solucio y alternativanan cu por juda nos cambia structuralmente loke na e momentonan aki por hiba nos den un situacion desastroso.

E di dos orador tabata ing. Elvis Tjin-aSjoe, minister di Economia di Antiyas, cu a splica tur e iniciativanan cu su isla natal, Boneiro tin ariba e tereno aki. Dentro di poco, Boneiro lo genera 44% di su coriente for di energia di biento. Na Boneiro nan ta trahando ariba un estudio hopi integral pa por produci bio-fuel for di yerba di lama (zeewier). E tipo di iniciativanan aki ta un parti integral di e strategia cu Boneiro tin den su turismo: Eco-turismo.
 

E ultimo orador a pone tur esnan presenta nan atencion ariba un technologia comproba y ehecuta den varios paisnan caba. SDC ta e abreviacion pa “Seawater District Cooling”, cu a wordo ehecuta na paisnan manera Canada, Hulanda y tambe Hawaii. E idea ta cu ta pomp awa di lama for di 800 meter (mas o menos 2600 pia) di hundo. E awa na e profundidad aki tin un temperatura di mas o menos 5°Celsius cu despues ta wordo usa pa fria e systema di Air-Conditioning di entre otro edificionan grandi manera Hotel, Aeropuerto y edificionan comercia. E technologia aki por spaar Aruba 75000 bari di petroleo pa aña. E technologia aki por juda Aruba gasta menos na energia pasobra cu e no mester saca dollar for di nos pais pa fria e systemanan aki cu ta un parti integral di e servicio turistico cu Aruba ta ofrece.
 
 
     
   
     
     
     
   
     
     
     
   
     
     
     
   
     
     
     
   
     
     
 

Despues di e presentacionan e publico presente a hasi hopi pregunta cu a wordo contesta cu hopi experticio. For di e lectura aki a sali afor cu tin hopi technologia y iniciativanan cu por juda Aruba den e crisis global di energia cu nos ta aden, pero di parti di esnan cu tin e poder pa trece cambio, no tin mucho interes. Na final por a mira hopi caranan yen di satisfaccion y cu e animo pa sa mas di e topcio. Loke Sr. de Meza a trece dilanti na varios occasion a keda den mente di hopi: “E ta di berdad un crimen pa no hasi nada!”
 

E iniciativa aki tabata uno di e insituto di Formacion Politico di partido AVP cu ta den un cyclo di lecturanan cu ta trata e tema di presion ariba poder di compra di pueblo. April ultimo caba e fundacion a organisa un lectura tocante di BBO, su efectonan y iniciativanan pa re-establece poder di compra di e ciudadanonan. E lectura aki a wordo teni pa e economista drs. Arjen Alberts. Fundacion Digna Lacle-Herrera lo organisa mas di e lecturanan di e cyclo aki dentro di poco.
 
         
   
         
   
         
       
         
 

 
 

 
 

 
 

 
 
 
 
 
 
 

top