Parlamentario Mike de Meza:

E solucion pa alivia e situacion alarmante di energia awor

lo mester ta un pakete di alternativa

Parlamentario di fraccion di AVP Mike de Meza ta expresa cu mirando cu na mundo no tin un fuente pa energia compara cu azeta crudo cu ta mes efectivo economicamente, mes practico y cu tin reserva mundial na abundancia na un costo aceptabel: e solucion temporal lo mester ta un pakete di alternativa, mescos cu tur otro pais na mundo. Pero sin embargo nos lo mester actua prudente y decisivo. No tin e luho pa keda sigui discuti infinitamente pasobra e cuenta lo bira impagable. Den futuro sercano ya lo ta mucho lat pa por escohe solucion alternativo. Dor di e caracter indecisivo of e incapacidad di nos gobernantenan actual nos ya caba por tuma nota cu riba mercado internacional e alternativanan cu por wordo utiliza na Aruba, por ehempel fabricacion di molinanan di biento pa scala industrial, tin un retraso di algun aña caba pa cumpli cu pedido nobo.

Un cos cu mester ta comprodibel pa tur hende ta cu e prijs di crudo no lo baha na nivelnan di algun añanan atras. Reservanan mundial di crudo barata ya ta cabando y no ta descrubiendo minanan nobo cu crudo barata, pero si al conrario e consumo mundial di petroleo ta sigui crece cu tur consecuencia desastroso pa nos economia y nivel di bida actual na Aruba. “Awe (maske cu ya nos ta lat na Aruba) nos ta kere cu nos tin e luho pa sinta haci politica y discuti, pero den futuro sercano nos no lo wordo confronta cu e recibo. E efectonan, un bes mas, ta desastroso y gobierno actual mester cuminsa actua cu caracter y decisivo awor!”, de Meza ta indica.

E ta agrega cu mundialmente tur pais ta uni forza pa ta mihor prepara y sigura di un continuo suministro di fuente pa genera energia riba un costo aceptabel y mas controlabel cu ta posibel. Esaki ta trece un variedad di discusion cune. E discusionnan aki ta necesario y mester inclui tur persona, gremio y gobierno. Aki de Meza a duna algun ehempel caminda tin discusionnan fuerte riba:

Pa ilustracion aki lo haci comparasion basico di algun posibel fuentenan pa Aruba cu mester wordo considera seriamente mescos cu tur rond di mundo ta e caso:

Aki mester ta cuidadoso pasobra cu gas natural historicamente ta mas caro cu #6 fuel oil cu ta wordo usa na WEB. Otro possibildad ta uso di “deep sea cooling” pa por ehemple e cadena di hotelnan na Aruba. Un posibel proyecto di deep sea cooling por tin un rebaho di costo di mas o menos 35% di electricidad pa e hotelnan na Aruba. Esaki lo yuda pa tene e costo di e hotelan na Aruba mas abou cu ta posibel cu riba su mes lo ta den benificio pa turismo na Aruba. Un proyecto di deep sea cooling ta masha atractivo pa Aruba special mirando e localisacion di e hotelnan. Proyectonan similar ya a wordo ehecuta na diferente pais na mundo. Tambe por ehecuta proyecto na dump caminda ta converti desperdicio den energia usabel cu por ehempel lo asisti den produccion di electricidad na un costo rebaha y caminda ta deshaci di nos desperdicio (waste to heat conversion). Hopi ta e edeficionan di gobierno, scolnan y otronan cu por haci uso di energia di solo. Tambe luznan di caya por utilisa energia di solo perfectamente.

“Locual ta precupa nos ta cu te dia di awe Gobierno actual no a presenta un maneho riba energia, sin enbargo e precupacion pa cu e crisis mundial di energia ta uno hopi serio y cu mester su debido atencion”, de Meza a duna di conoce.

Mas articulo relaciona cu e topico aki: