Parlamentario Mike de Meza:

E prome fase na 2000 a baha e fuel mas cu 80 miyon florin

Ultimo tempo por scucha diferente politico, lastimamente riba nivel populista, ta purba haya credito pa papia riba e costo halto di energia na Aruba, sin ningun argumentacion sostenibel cu ta trece alternativanan real pa contribui na contraresta e crisis global di energia cu ya a hasi su entrada na Aruba tambe. Hasta ta purba descredita partido AVP su trabou riba e materia pa purba saca probecho politico pa nan mes. “Como recomendacion lo mi kier acentua na esnan cu ta riba un “tour” populista cu e lo ta mucho mas fidedigno y lo duna mas credibilidad si e mesun personanan aki ilustra cu nan trabounan bon argumenta y hustifica cual ta e alternativanan cu nan mes ta kere cu ta necesario pa utilisa pa enfrenta e crisis global serio y alarmante cu ta azotando mundo. Purba di critica, duna testimonio falso di otro y/of rebaha otro sin bin cu alternativa serio, investiga, bon studia y argumenta cientificamente lo no haci bon na reputasion di cualkier persona. E unico manera pa un profesional y/of un politico por haya credibilidad real ta dor di traha realmente duro, efectivo, diligente y inteligente den un forma cu su logrona realmente por wordo midi! Critica sin ningun alternativa ta inefectivo y lo ta perdemento di tempo pa entretene, sin embargo semper si ta bon pa duna un conseho constructivo”, Parlamentario di AVP, Mike de Meza ta expresa claramente.

For di tempo cu e prijs di Fuel Oil tabata ca. $ 10 pa $15 pa bari na aña 1999 a cuminsa traha caba riba e fenomeno di aumento di costo di energia mundial. Na 1999 durante gobernacion di Gabinete Eman III, a instala un comision di energia bou di responsabilidad di ex-Minister Junior Croes. Esaki pa contraresta e aumento di costo di energia mundial. Por cierto aki tin cu menciona cu esaki a tuma lugar cu insistencia y apoyo di ex-Ministro Glenbert Croes y cu sosten di ex-Prome Ministro Henny Eman.

“E comision aki consistiendo di Directornan di WEB Aruba NV, NV ELMAR Aruba, Aruba Utility NV y mi persona como presidente a negocia un contract nobo pa fuel oil pa WEB Aruba NV cu a resulta y bai den efecto na januari 2000. Den e contract nobo a acorda un tarifa nobo di fuel oil, inspeccion di calidad indipediente, but riba di calidad inferior y a pone entre otro tambe e base pa WEB Aruba NV y NV ELMAR Aruba por haci uso di fuente nobo pa energia sin conflicto pa e contract di fuel oil. E contract nobo aki a trece un rebaho di mas o menos 70 miyon florin durante e periodo di contract cu ta 10 aña!”, de Meza ta indica.

E ta agrega cu esaki tabata solamente e prome fase y esaki na momento cu e prijs di Fuel Oil tabata ca. $10 pa $15. Den e di dos fase ainda mester a negocia otro puntonan cu lo por a duna mas rebaho di por lo menos un otro 70 miyon florin cu lo a nifica un rebaho total di 140 miyon florin, pero lastimamente cu ora MEP a drenta gobierno na 2001 e gobernantenan a keda paraliza y no a continua cu esaki y asina labora pa baha costo di energia.

Mas articulo relaciona cu e topico aki: