Parlamentario Mike de Meza:

UNANIMAMENTE DEN PARLAMENTO A WORDO EHECUTA

Mike de Meza, miembro di fraccion di AVP den Parlamento ta comenta cu despues cu e fraccion berde a duna Minister Presidente Nel Oduber diferente alternativa den diferente mocion den Parlamento pa loke ta uso di energia alternativa, y cu por cierto a wordo aproba unanimamente, no por compronde con e ta desvia sin ningun argumentacion for di decisionan cu Parlamento unanimamente a aproba.

E ta splica cu ningun di e mocionan cu a wordo aproba unanimamente den Parlamento a wordo ehecuta, ningun! “Nos di AVP ta reta e gobierno actual pa haci un estudio di comparasion di fuentenan alternativo pa cu nan factibilidad economico y soustenibilidad a termino largo. Aki nos ta papia manera mocionnan aproba unanimamente cu ta recomenda pa haci uso di -energia di biento; -energia di solo; -deep sea cooling; -uso di pitch fuel; -uso di petcoke/carbon natural; -biodiesel y ethanol. Nos ta demanda e gobernantenan actual pa asumi nan responsibilidad pa maneha e pais aki debidamente y cu tur diligencia”.

Pa e Parlamentario di AVP, por wordo considera un acto criminal ora cu gobernantenan pa capricho politico of pa interes ageno ta keda sin prepara nan pais diligentemente pa por enfrenta un crisis global cu ta na caminda y cu lo por laga nan pais den un desaster”.

E ta comenta tambe cu AVP como partido serio ya pa algun aña nan a traha y ta keda “update” un raport riba e crisis global di energia, su efectonan pa cu Aruba. Igualmente nan a trece diferente alternativa pa un maneho sostenibel. Finalmente Mike de Meza ta indica cu como un partido consiente y consecuente nan a cuminsa caba y ta sigui cu un ciclo di lectura pa informa, dialoga y discuti cu nos pueblo riba e topico di crisis global di energia cu tin su efectonan pa Aruba tambe.

Mas articulo relaciona cu e topico aki: