Despues cu Raad van State a mustra cu Arubianonan tambe ta

DI VOTO PA PARLAMENTO EUROPEO

Hopi hende no ta compronde of realisa e importancia di

loke a wordo accepta den Tweede Kamer

		Foto: Dirk Hol
		Foto: Dirk Hol
		Foto: Dirk Hol

Na 2009 tur ciudadano di nacionalidad Hulandes residencia na Aruba por hasi uso di nan derecho di voto pa elegi parlamentarionan pa Union Europeo. E mayoria di parlamentarionan Hulandes den Tweede Kamer a sostene e propuesta di ley aki cu ta hasi esaki posibel, diahuebs mainta na Den Haag, Hulanda, durante un reunion plenario.

Tur ciudadano di Reino cu ta biba na Aruba of Antiyas Hulandes tabata exclui for di votamento pa Union Europeo. E cambio di ley cu ta trece cambio na e exclusion aki ta consecuencia di un caso cu a wordo lanta pa dos parlamentario Arubiano, esta Mike Eman y Benny Sevinger. Nan a hasi un intent simbolico pa participa na e eleccionan pa Union Europeo na aña 2004, pero esaki manera cu reglanan tabata indica a wordo nenga na e dos parlamentarionan Arubiano aki. Esaki a cuminsa un proceso cu a pasa Raad van State pa conseho, despues pa Hof Europeo di Husticia y por ultimo a jega na un conclusion positivo pa Arubiano y Antiyanonan den Tweede Kamer na Den Haag Hulanda.

Segun “Raad van State” no tabata tin ningun hustificacion objetivo pa un regla discriminatorio di e tipo aki pa Arubiano y Antiyanonan. Di otro banda e regla si tabata accepta pa Hulandesnan cu ta biba (por ehempel) na Caracas, Bogota, Beijing of Miami sip or vota pa Union Europeo. Pero sin an ta biba den e parti di Reino cu ta den Caribe, e derecho aki ta wordo nenga.

Na aña 1979 a introduce eleccion directo pa Union Europeo. E tempo aya a sali for di e punto di bista cu pasobra cu e islanan por a vota caba pa un “Staten” ariba nivel di pais Antiyas caba. Consecuentemente e deduccion tabata ta cu pesey nan lo no tin mester di e derecho aki.

Segun Hof Europeo di Husticia cu a dicta den e caso entrega pa Mike Eman y Benny Sevinger, e ta di sumo importancia cu ciudadanonan di Aruba y Antiyas por participa na e eleccionan di Union Europeo. E motibo cu e Hof a bisa esaki ta cu nan ta considera cu ciudadanonan Arubiano y Antiyano ta “Volwaardig Europees Burgers”.

Aruba y e islanan cu ta forma Antiyas ainda, tin un total di 210,000 ciudadano cu derecho di voto. Durante di e ultimo eleccionan pa Union Europeo, un candidate Hulandes tabata tin mester di 176,506 voto pa por wordo elegi.

Meer Informatie: