Melvin Tromp di AVP ta bisa cu:

Mientras cu gobierno a hinca hopi placa den e projecto

Boulding & Lawson ta e compania responsabel pa e projecto di dump pero aparentemente e compania a resulta di ta un compania no prepara pa por a cumpli cu e exigencianan pa loke ta e projecto di dump mientras tanto aňanan ta pasa y projecto di dump ta para den un estado peor di locual cu e tabata y ainda e gobierno actual ta haya ta bon pa keda den un silencio mientras cu a hinca miyones di florin den e compania aki mientras tin informacionan palpable ta indica cu Boulding & Lawson no tabata poseé di e ekiponan pa cumpli cu loke e contracto di dump ta bisa y tur cos ta mustra e projecto di dump aki ta hole na un posibel contracto coruptivo si nos mira e trajectoria di partido MEP ultimamente.

CON POR TA POSIBEL

Boulding & Lawson a demostra claramente cu nan no tabata un compania pa cumpli cu e demandanan di e trabownan cu tabata encera e projecto di dump anto pregunta ta awe con ta posibel cu ta opta pa honra e compania aki cu e projecto di dump mientras tanto awe tur cos ta mustra cu projecto di dump no ta bay tin un solucion pa loke ta regarda projecto di dump y te awe ningun accion di parti di e gobierno y mas ainda nos di AVP a haya informacionan palpable cu ta bisa cu e compania no tin e recurso suficiente pa termina e projecto aki despues cu nan a ricibi miyones di florin of acaso cu esaki tambe lo ta trata di un di projecto cu trato preferencial destina pa amigonan y famianan si nos mira cu Sr. Hendrik Croes aki tambe a cobra miyones di florin.

MINISTRO TA DEN SILENCIO TOTAL

Mientras cu e projecto di dump ta tranca y no tin un salida tampoco mester accentua aki cu miyones di florin a worde entrega na e compania aki en cuestion pero esun cu ta e responsabel mayor mes pa e projecto di dump aki ta den un silencio total mientras tanto un total di 21 miyon a ser paga na Boulding & Lawson pa e projecto di dump aki pero no tin ningun clase di novedad pa locual cu ta e projecto di dump y loke cu ta mas obvio ta cu Ministro Sr. Booshi Wever no ta bin afor y splica pueblo con porta posibel cu ta entrega un compania miyones di florin y te ainda e projecto aki ta para totalmente mientras cu di parti di e mandatario aki no ta haciendo ningun esfuerzo pa forsa Boulding & Lawson pa cumpli cu e contracto of aki tambe lo ta trata di otro contracto hopi dudoso cu ta hole na actonan coruptivo y pesey e silencio hermetico di e Ministro concerni.

KENDE A INVESTIGA E COMPANIA PROMER

Gobierno despues di un a paga un suma total 21 miyon florin awor ta sali na cla cu e mesun compania aki esta Boulding & Lawson aparentemente no por cumpli cu e projecto di dump pa motibo di placa y mas ainda nos a ricibi informacionan cu Boulding & Lawson recientemnete a bin pidi e gobierno di Aruba pa mas placa y tambe a entrega gobierno un petishon pa e gobierno aki para garantia pasina nan por cumpra e ekiponan cu ta concerni e projecto di dump y esaki ta duna nos e impresión cu Boulding & Lawson mester a pasa e gobierno aki cu un 6 pa 9 y no ta exclui cu aki tambe lo ta trata di un acuerdo onder onsje y pesey nunca a haci un investigacion pa loke ta Boulding & Lawson.