Melvin Tromp di AVP ta puntra

Awor cu capitulo di 50 miyon florin a pasa pa historia

Tin un dicho cu ta bisa cu no tin un ladron mas grandi cu esun cu ta yama e otro pa ladron pasobra corectamente awe pueblo por defini awe kiko exactamente ta loke ta pasando cu pais Aruba den e ultimo 7 aňanan gobierno di MEP a percura pa trece odio y venganza si nos mira con un solo caso a desaroya su mes bow di e capa di 50 miyon florin pretendiendo cu lo tabata tin ex mandatarionan cu lo a haci nan mes culpable na actonan di corupción caminda cu integrantenan di MEP a haya ta bon pa bay denuncia contra di ex mandatarionan di partido AVP mientras cu e gobernantenan actual tabata conciente cu aki tabata trata di un caso no real pero tabata mas bien un otro forma pa oficinanan di abogadonan liga cu e gobierno aki cobra sumanan miyonario un biaha mas.

BIN SPLICA PUEBLO AWOR

Pueblo tin e pleno derecho pa haya sa for di gobernantenan actual cu a haya tabata bon pa humiya y lastra contricantenan politiconan y otro cuidadanonan pa ladron simplemente pasobra a sinti ta bon pa lastra nombernan di hendenan drechi mientras cu awe e situación a bolter bek den scochi di MEP sin papia mes di e tantisimo placa di pueblo cu a worde malgasta pa e.o. pa un encuesta parlamentario,oficina di abogadonan,comision di berdad,gastonan di e tantisimo persecusion, daňonan enorme cu a haci na politiconan di AVP ainda mas tambe di nos pais pasobra esakinan tabata e meta di e gobierno aki di MEP simplemente pasobra a core un campaňa cu tabata bay sera e politiconan di AVP o ta prudente pa Promer Ministro bin splica pueblo awor na placa chikito cuanto placa a costa Pais Aruba pa lastra hendenan innocente.

PAKIKO TA PUEBLO TIN DI PAGA ESAKINAN

Sr. Promer Ministro abase di kiko bo ta sinti cu ta pueblo tin di paga pa e fechoria cu e gobierno actual a purba di denuncia un caso contra contricantenan politico y ainda mas pa e forma cu henter caso aki a cana su caminda pasobra si ta tin hendenan cu tabata conciente di locual cu nan tabata haciendo tabata loke e gobierno aki conhuntamente cu e mucha manda di partido MEP esta Sr. Rudy Lampe pa orquestra storianan infunda hungando e wega di 50 Miyon florin cu supuestamente lo a desaparece y awor kiko pasobra ta pueblo lo tin di bay paga pa e storia aki simplemente pasobra e gobernantenan di MEP kier a cumpli cu esnan cu si a kere den nan mentira pero awe ta mira otro resultado y a haya sa kiko enberdad tabata scondi tras di e capitulo di 50 miyon florin pasina cumpli cu loke cu a worde presenta den e ultimo dos campaňanan ultimo cu lo bay sera politiconan di AVP.

LOKE CU PUTRI HAMAS POR HECHA BEK

50 Miyon Florin a desnuda integridad di un e abusadornan di MEP cu e tempo ey a instrui lamentablemente hendenan cu suficiente capacidad di inteligencia pero aki si a laga nan mes worde huza pa un set di mucha manda di partido MEP awe un cos ta sigur despues cu Ministerio Publico a tuma su decision pa loke ta FDNSN tur hende por a saca nan conclusion cu aki tabata trata di un bagamunderia cu e gobierno di MEP a trece den comunidad pa instabilisa e pueblo cu mentiranan y ainda tin un di e parlamentario di MEP ta papia cu falta un suma di placa cu ta alrededor di 700 mil florin lo ta bon pa e aserca su colega den parlamento Sr. Rudy Lampe y no purba lanta calumnia falso atrobe Sr. Dumfries pasobra loke cu putri hamas y nunca por hecha atrobe y siňa biba cu e realidad.