Marlon Sneek ta informa:

Mi ta kere cu awor si no a keda duda cu e gabinete oduber 4 ta uno sin vision y sigur sin niun mision. Esaki ta algo cu e propio minister president di Aruba sr Nelson Orlando Oduber a expresa. Den un di su ultimo presentacionnan el a duna di conose cu nos pais mester di hendenan visionario esta hendenan cu vision locual cu lamentablemente ni e ni su gobierno tin.

ESUN CU FAYA PA PLANIA TA PANIA PA FAYA!!!!!

Nos por a mira cu despues di 3 aña cu ariba presupuesto di minister Marisol Lopez Tromp tabata aparese un post pa construi un scol na Kudawecha, por fin e aña aki nos por a mira algun local y caminda cu ta indica cu tin un edificio na Kudawecha cu lo mester bira un scol. Paso un scol ta ensera hopi mas cu simplemente un edificio. Ja ta conosi caba cu e minister di enseñansa ta gusta hasi show y fanfaria y e ocacion aki sigur no lo pas’e “por halto”. Pero loke ta un lastima ta cu otronan tin cu bay sufri pa e minister aki haci su show. Por ehempel La Salle college awe na aña 2008 muchanan di e scol aki mester sinta abou of ariba nan tas pa haña les, paso tur e mobilarionan di scol Kudawecha no a jega, “but the show must go on” laga esnan di La Salle sinta abou numa. Ki berguensa!!

IRONIA DI BIDA!!!!!

Despues cu gabinete Eman # 3 a laga e scol aki mes nechi drecha cu airco pa evita e molester di trafico, Gabinete Oduber # 4 a lag’e pa su cuenta birando practicamente un ruina cu nos muchanan mester bay siña aden. Awor ta scol mester a core verf e murayanan di entrada pa wak si nan lo por a bende esakinan cu comerciante pa pone propaganda pa asina jega na placa pa por drecha e scol bek, mescos cu e muchanan di Maria College cu mester a sali pidi limosna ariba caya pa por drecha nan scol. Foei minister Marisol.