CLARISCA VELASQUEZ DI A.V.P.:

MEP ta contra un tegenbegroting paso nan no kier pa pueblo wordo recorda cu un tempo Aruba a prospera sin BBO. Tambe un tempo Aruba tawata florese sin tur e aumento di invoerrechten di MEP. MEP ta contra paso nan no kier pueblo corda cu MEP ta un partido di medida so. MEP no kier pa pueblo sa ku tin otro alternativanan, paso MEP sa cu treciendo alternativanan lo perhudica friends and familie di probecha paso treciendo alternativanan lo saca e placa for di projectonan dudoso manera "sleeping police" pa mande pa projectonan duradero manera pa projectonan den enseñansa. MEP pa 7 anja caba ta aproba un presupuesto ficticio cu concecuentemente a hinca Aruba den problemanan financiero y a trece pobresa y medida ariba nos pueblo, ta pesey Marlon ta contra nos tegenbegroting paso e kier sigui aproba presupuestonan ficticio pa asina sconde e berdat pa pueblo.

Awe pueblo por sinti den aumento di prijs di pan, webo, carni, paña, boeki di scol, schoolgeld etc etc etc e consecuencianan di un presupuesto ficticio. Ta pesey mester un tegenbegroting. Concecuencia di un presupuesto ficticio ta cu entradanan presupuesta no ta wordo alcansa y gastonan ta wordo sobrepasa. Consecuentemente Nilo cu ayudo di e 11 marionetanan di MEP ta sigui presta placa pa yena buraco, awor hasta usando AZV como excusa pa presta mas, mester investigacion si tur e placa presta a bay enberdat a bay den su totalidad pa AZV, ta pesey mester di tegenbegroting pa stop nan di hinca nos den mas debe. Loke si Marlon Werleman mester tene den mente ta cu Nel y Nilo a hasi e parlamentarionan tambe complice di mal maneho. Ta e parlamentariona di MEP ta esunan ku realmente a aproba e presupuestona ficticio kiermen a nan ta primordialmente responsabel pa tur e medidanan y ta nan e peublo mester primordialmente presenta e cuenta. Marlon mas ku claro ta contra e tegenbegroting paso pueblo e ora ta mira cu ta Marlon mes ta esun cu a habri caminda pa MEP pone medida ariba pueblo door di legalisa e medidanan.

Como representante di pueblo majan den Staten mi lo haci tur mi esfuerso pa introduci un ley ku ta pone MArlon y su compinchinan den parlamento personalemente responsabel pa danjo financiero cu nan a causa pueblo dor di deliberadamente aprobando presupuestionan ficticio mientras cu nan sa cu pais aruba no por carga e peso. Si mester ta hiba Marlon y compinchinan na tribunal international pa nan wordo husga mescos nan a haci cu e criminalnan di segunda guerra mundial. Ta pesey mester di tegenbegroting pa desenmascara Marlon Werleman and company. Berdaderamnete un parti di nos inflacion ta debi na aumenteo di prijs di crudo, pa esey nos no ta culpa MEP pero si nos ta culpa MEP di a para na banda y no ta actua pa alivia nos pueblo di e dolor aki.

MEP no tin vision ni curashi y mucho menos disciplina pa tuma action pa bin cu solcucionan pa combati inflacion. MEP no tawata tin e vision ni e boluntad pa inverti den energia alternativa pa alivia e prijs halto di awa y corriente. AVP si tin e vision aki y a demostra anja tras di anja den oposicion cu nan si tin e vision aki y cu AVP no ta papia so pero ta actua tambe hasta ora nan ta den oposicion. MEP ta prefera di sigui cu un maneho di gastamento di placa pa friends and family y nan ta cubri e gastonan aki aumentando mas belasting. Pesey mester di un presupuesto alternativo pa consientisa pueblo cu si tin bida sin BBO. Cu por maneha e pais aki sin BBO. Cu por tin crecemento economico sin BBO. Cu por tin mihor educacion sin BBO. Cu por tin mas carrereteranan sin BBO. Ku cada un mama y tata di famia por tin un entrada decente pa por cria nan famia sin BBO. Y finalmente pa mustra MEP cu Aruba no mester di BBO pa progresa y mucho menos di BBO su creador esta MEP.

Base di un tegenbegroting ta pa gradualmente elimina BBO.