Marlon Sneek cu un conseho na;

Den e ultimo simannan mi por a scucha dos di e 11 marionetanan di e prestigioso partido M.E.P purba di bagatalisa e informacion cu lider di e fraccion di mas grandi den oposicion, mr. Mike Eman a trece dilanti encuanto e investigacion cu C.B.S a haci esta “income and expenditure survey 2006”. Mi no sa si ta comprende nan no por comprende e tabla cu a wordo presenta of si ta simplemente politica barata nan kier bin hunga, lubidando cu den e pueblo aki masha tempo no tin hende kens mas. Nan a lubida cu e rapport aki a wordo publica den medionan di prensa y cualkier persona cu kier les’e por subi Internet libremente y wak esaki. Mas importante ainda ta e echo cu e conclucionnan cu C.B.S ta pone den e raport aki ta papia pa nan mes.

Stop di tuma hende haci !!!!!

Siguientemente mi ta bay duna un splicacion mas simpel di e tabla di entrada di e ciudadanonan cu a wordo entrevista pa C.B.S, paso parce cu e splicacion cu mr. Eman a duna ta mucho complica pa algun di e parlamentarionan di M.E.P. Den e tabla 1 comparacion a wordo haci entre e salarionan di 1998 y 2006.

Tambe nos por wak cu un comparacion ta wordo haci pa loke ta e poder di compra di e ciudadano, den 1998 compara cu 2006. Pa simplifica e splicacion mi lo bay haci uso di e grupo di “60th percentile” paso porta cu mirando cu tin asina hopi cifra den e tabla aki a pone cu e parlamentarionan aki a bruha y no a compronde e splicacion di sr Eman.

E balki Nr 3 ta refleha e salario na aña 1998 cual tabata (afl 2,352) y e balki Nr 4 ta refleha e salario na aña 2006 cual tabata (afl 2,500) siguientemente balki Nr 5 ta mustra nos cu tabata tin un cresemento pa loke ta salario di 6.3% kiermen e trahado cu un salario den e grupo aki a haña un aumento di salario di mas o menos (afl148). Parlamentario Maduro y Werleman pone bon atencion awor e parti complica ta bin esun cu boso no a compronde.

Balki Nr 6 ta parti den 2, uno ta e balor di e placa cu e trahado a cobra den 2006 encomparacion cu 1998. Kiko esaki kiemen, cu apesar cu e trahado a haña un aumento di salario di (afl 148,-) cu a haci su salario bira Afl 2500,-. E balor real cu e Afl 2500 tin ta loke cu ta wordo ilustra den Balki Nr 6A esta Afl 1963,-

Kiermen cu e trahado no a ni mira e aumento di 6.3 % es mas e balki Nr 6B ta mustranos cu danki na inflacion e trahado a bay 16 % atras den su poder di compra. Ta importante pa bisa aserca cu aki nos no ta papiando mes ainda di introduccion di B.B.O, cu a zorg pa e inflacion di 2007 bira 10.2 % y sin papia di esun di 2008 cu te juli e tabata rond di 6.1 %.

B.T.W e mesun tabla aki ta mustra cu esnan mas vulnerabel esta esnan cu un salario te cu Afl 1100 na 1998 y 995,- na 2006 apart di a bay atras den salario, esta un reducion di 9.5% a bay atras den poder di compra cu 28.5 %. Mi kiermen ta ken e 2 parlamentarionan aki kier bin gaña? A bira tempo pa bira serio y trese e berdad pa pueblo.

Si tin pregunta!!!!!

Mi ta spera cu e splicacion cu mi a duna tabata suficiente y cu e 2 parlamentarionan aki a compronde kico e lider di AVP a splica den su articulo tocante di e estudio hasi pa C.B.S, tocante “Income and expenditure survey”. Si esaki no ta e caso, keda lesa corant paso pronto nos fundacionnan cientifico esta Fesca y Fundacion Digna Lace Herera lo bay tin mas curso. Boso por pasa libremente pa asina boso por amplia boso conocemento y stop di papia disparate na televicion y radio.

Bo humilde sirbido Marlon Sneek.