|
|
|
|
|
PREOCUPACION
NA ARUBA PA E MAL MANEHO DI MEP
|
|
|
|
HOPI SPERANZA
PA E TRABOUNAN GRANDI DI AVP NA CAMINDA |
|
|
Home >
Programa Radial > 20071118 |
|
|
|
|
Programa radial di partido AVP, manera a wordo anuncia siman pasa, tabata tin un orario diferente e siman aki. Como su Sinter Klaas ta jega Aruba, partido AVP a cuminsa su programa un poco mas tempran, esta 2’or di atardi diadomingo. E siman aki e programa a wordo transmiti for di cas di famia Braafhart na Guyabastraat 23. E programa tawata den man di Marlon Sneek, Melvin Tromp y miembro di parlamento di AVP, Arthur Dowers. Marlon Sneek a cuminsa e programa cu un bon bini na tur esnan presente, y tambe a pidi un danki na famia Braafhaart pa nan hospitalidad.
Marlon Sneek a cuminsa e programa cuestionando e maneho malo di minister Lopez-Tromp. Pa por saca su mes for di tur e ultimo desaroyonan bergonsoso cu e minister ta envolvi aden, Tele Aruba ta ripiti noticianan bieu, pa mustra con e minister ta cabando cu projectonan. Un projecto en particular ta uno cu a culmina na Augustus y awor derepente Tele Aruba ta ripiti esaki pa laga parce cu e minister a caba cu un otro projecto. Esaki ta señalnan di desesperacion pa e asunto di Abundance Holding NV, Namdar Group, Brug na Noord pa famia y un cantidad di abuso mas. Di un banda ta kitando placa for di educacion y programanan social, y di otro banda ta aloca placa pa traha un bruga na Noord pa famia por hasi uso di un tereno pa metanan comercial. Esaki, segun sr. Sneek ta algo inacceptabel.
Marlon Sneek ta cuestiona e hecho tambe cu Minister Lopez-Tromp ta sinta acusa un y tur di AVP di un catidad di cos, pero e no por substancia nada. Pesey tambe sr. Sneek ta hasi un peticion na sra. Lopez-Tromp pa e hasi un denuncia pa caba si e ta asina sigur di su mes, manera cu e ta laga aparenta.
|
|
|
|
Melvin Tromp cu tambe tawata presente, a cuestiona severamente e manera cu nos pais ta wordo goberna den e momentonan aki. E ta mira cu nos pais lo keda den e problemanan cu e ta den, tanten cu MEP keda den gobierno. Segun sr. Tromp, AVP a mustra den pasado di por a concretisa promesanan di un manera profesional y serio. Un ehempel ta tempo cu gobierno di AVP a kita e 8 ¾% y 5% di invoerrechten cu MEP a introduci. Tambe AVP a mustra cu e no a keda na palabra so ora cu a priminti di redobla pension pa nos grandinan. Awe nos grandinan por tin algo ainda pa por sobrevivi e temponan duro aki di BBO, danki na e iniciativa di AVP pa redobla e pension. E temponan aya sr. Nel Oduber a protesta contra di redoblamento di pensioen. Pesey mes awe, pensionadonan atrobe ta den un problema grandi cu BBO. Imagina cu awe pensionadonan mester a biba cu mitar di nan pensioen. Pesey mes, sr. Tromp a enfatisa cu AVP su promesa di kita BBO lo no keda na promesa so, si no lo ta un promesa cu lo keda cumpli asina cu AVP drenta den gobierno. |
|
|
|
Drs. Artuhr Dowers na su turno a hasi un resumen di loke ta pasando den e mundo politico y a pone atencion riba e hecho cu ta net bou di e maneho di minister Lopez-Tromp, minister di enseñansa, no por segura nos jiunan un futuro cu nan merece. Enseñansa en general ta wordo neglisha di un manera incomprendibel. Tambe Arthur Dowers a mustra cu un otro minister cu tin un cartera clave pa bienestar di nos pueblo, minister Booshi Wever, tin un maneho descabeya, ad hoc y incomprendibel.
Un otro topico interesante cu a bin dilanti den e programa di radio di AVP ta e hecho cu e partido ta trahando duro ariba un presupuesto alternativo, cu lo tin di mustra pueblo henter cu nos pais por wordo maneha den un manera corecto, serio y na e mesun tempo teniendo cuenta cu pueblo. Den e presupuesto aki tambe lo tene cuenta cu lo mester baha BBO na mitar e prome aña, ja cu e aña despues lo elimine full. |
|
|
|
MEP constantemente ta hasi uso di un cantidad di excusa pa satisfase nan sed pa placa, pero nunca nan ta splica con nan ta gasta e placa aki. Partido AVP tin algun tempo caba ta trahando duro cu expertonan, tanto di partido y tambe pafor di partido, pa por presenta un presupuesto serio y cu tin Aruba na pecho y no simplemente “family & Friends”. |
|
|
|
E proximo programa di partido AVP lo ta diadomingo 25 di November y lo cuminsa pa 3:00pm via di Canal 90 FM. |
|
|
|
|
 |
|
Click aki pa mas tocante di
programa radial di AVP |
|
|
|
|
|
|
top |
|
|
